PUL
.jpg)
.jpg)
Gürcüstan millisinin baş məşqçisi Villi Sanyol Avro-2024-ün 1/8 finalında İspaniyaya qarşı keçirəcəkləri oyunla bağlı fikirlərini bölüşüb.
Milli.Az qol.az-a istinadən xəbər verir ki, mütəxəssis rəqibin güclü tərəflərinndən danışıb:
"Məncə, çətinliklər olmadan böyük uğurlar əldə edə bilməzsiniz. Bu, bizim yolumuzun bir parçasıdır. İspaniya komandasını çox yaxşı tanıyırıq. Son 3 ildə onlarla 4 dəfə qarşılaşmışıq. Bu 4 oyunun hamısında uduzmuşuq, amma sabahkı matç fərqlidir. İspaniyaya qarşı oynayanda hər mövqedə təhlükə ilə üzləşə bilərsiniz. Onların bütün futbolçuları çox istedadlıdırlar və yüksək səviyyəli çempionatlarda oynayırlar. Futbolçularımın son 3 həftədə etdiklərinə görə çox xoşbəxtəm. Sabah xüsusi bir oyuna çıxacağıq. Məncə, bu görüşü böyük inamla keçirəcəyik. Çünki itirəcək heç nəyimiz yoxdur. Mənim üçün onsuz da Avro-2024-ün qalibiyik. Təkrar meydanda olacağım və böyük bir stadionda Gürcüstan himnini eşidəcəyim üçün çox xoşbəxtəm".
Qeyd edək ki, sabah keçiriləcək İspaniya - Gürcüstan görüşü Bakı vaxtı ilə saat 23:00-da başlayacaq.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.png)
