İdman

Messi 8-ci dəfə “Qızıl top”u qazandı

31 Oktyabr 2023 07:00

Baxış: 978

#LİONEL MESSİ #FUTBOL

"France Football" nəşrinin təsis etdiyi "Qızıl top" mükafatının qalibi müəyyənləşib.

Milli.Az report-a istinadən xəbər verir ki, bu mükafata ABŞ-ın "İnter Mayami" klubunun kapitanı Lionel Messi layiq görülüb.

Argentinalı hücumçu karyerasında 8-ci dəfə titula sahib çıxıb. 36 yaşlı futbolçuya mükafatı "İnter Mayami"nin sahibi, əfsanəvi ingiltərəli futbolçu Devid Bekhem təqdim edib.

Lionel Messi 2022-ci ilin noyabr-dekabr aylarında Qətərdə keçirilən dünya çempionatının qalibi olub. O, daha əvvəl 2009, 2010, 2011, 2012, 2015, 2019 və 2021-ci illərdə "Qızıl top"un sahibi olub.

2023-cü ilin ən yaxşı qadın futbolçusu isə İspaniya yığmasının və yerli "Barselona" klubunun 25 yaşlı yarımmüdafiəçisi Aytana Bonmati seçilib.

Milli.Az