İdman

“Fənərbağça” ardıcıl 9-cu qələbəsini qazandı

22 Oktyabr 2023 23:19
Baxış: 771
VTB-də minimal faiz dərəcəsi ilə nağd kredit 10.49%-dən
#FUTBOL

Türkiyə Superliqasında IX turun oyunları davam edir.

Milli.Az bizim media-ya istinadla xəbər verir ki, bu gün daha dörd oyun keçirilib.

Çempionatın lider komandası "Fənərbağça" öz meydanında "Hatayspor"u qəbul edib.

Qarşılaşma İstanbul təmsilçisinin 4:2 hesablı qələbəsi ilə başa çatıb. Meydan sahiblərinin heyətində qolları 7-ci dəqiqədə Sebastyan Şimanski, 15-ci dəqiqədə Osayi Samuel, 39-cu dəqiqədə Edin Ceko və 63-cü dəqiqədə İrfan Can Kahveci vurublar. 
Qonaqlardan isə 55-ci dəqiqədə Fauzi Qulam və 90+4-cü dəqiqədə Rayan Abid fərqləniblər. Hatay təmsilçisinin heyətində meydana start heyətində çıxan Azərbaycan millisinin hücumçusu Renat Dadaşov sonadək əvəzlənmədən oynayıb.

Bu mövsüm Superliqada keçirdiyi 9 oyundan 27 xal toplayan "Fənərbağça" turnir cədvəlinə başçılıq edir. "Hatayspor" 14 xalla altıncıdır.

Günün digər matçlarında "Kasımpaşa" səfərdə "Sivasspor"a 1:0, "İstanbulspor" evdə "Ankaragücü"nə 2:1 hesabı ilə qalib gəlib, "Samsunspor" isə "Başakşehir"lə qolsuz heç-heçəyə razılaşıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.