İdman

Maradonanın hesabını sındırdılar, görün nə yazdılar - FOTO

24 May 2023 22:50
Baxış: 1 971
VTB-də minimal faiz dərəcəsi ilə nağd kredit 9.9%-dən

Hakerlər Dieqo Maradonanın rəsmi "Facebook" səhifəsini bir neçə saat ərzində ələ keçiriblər.

Milli.Az Publika.az-a istinadən xəbər verir ki, hakerlər bu müddətdə 2020-ci ilin noyabrında vəfat edən əfsanəvi argentinalının hesabını qeyri-ciddi yazılarla doldurublar.

Bir neçə saat ərzində Maradonanın 12 milyon izləyicisi kiminsə axmaq zarafatına bənzəyən mesajları oxumalı olub. Yazıların bəziləri hətta Britaniyanın "Sky Sport" nəşri də daxil olmaqla xarici KİV-lər tərəfindən çap olunub: "Siz bilirsiniz ki, ölümümü saxtalaşdırmışam, elə deyilmi?"; "Cənnətdə kokain yoxdur. Yalnız Pepsi var" və s.

Bir müddət hesabın profil şəklini Maradonadan cəmi iki il sonra, keçən ilin dekabrında vəfat edən Pelenin şəkli əvəz edib. Daha sonra Maradonanın hesabının guya rusiyalı hakerlər tərəfindən sındırıldığı iddia edilib.

Məsələ ilə bağlı Maradonanın qızı açıqlama yayıb: "Təəssüflə bildiririk ki, Dieqo Maradonanın rəsmi "Facebook" hesabı kiberhücuma məruz qalıb. Atam hələ də bu qədər vacibdir, çünki hansısa cəfəngiyyatları yazmaq üçün onun hesabını sındırmaq lazım gəlib".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.