İdman

“Kəpəz”in qapıçısı Antalya toplanışında niyə iştirak etməyib?

4 Fevral 2023 19:42

Baxış: 620

VTB-də minimal faiz dərəcəsi ilə nağd kredit 10.49%-dən

#AZƏRBAYCAN FUTBOLU

"Kəpəz"in baş məşqçisi Tərlan Əhmədov komandasının qapıçısı Orxan Sadıqlının qış fasiləsində Antalyada keçirilən təlim-məşq toplanışında hansısa səbəbdən iştirak etməməsinə aydınlıq gətirib.

O, Azərbaycan Premyer Liqasının 21-ci turunda "Qarabağ"la oyundan (1:1) sonra təşkil olunan mətbuat konfransında Orxan Sadıqlının hazırlıq prosesində kredit borcunun olması səbəbindən iştirak edə bilməməsi ilə bağlı sualı belə cavablandırıb:

"Orxan Sadıqlının kredit borcunun olub-olmamasının bizə aidiyyəti yoxdur. Onun kredit borcu olsa, olmasa da, bunun kluba nə dəxli var? Bu barədə mətbuatda yazılanlardan xəbərim var. Amma Orxan xəstə olduğu üçün Antalya toplanışında iştirak edə bilmədi. Yaxşı ki heç aparmamışdıq da. Çünki Antalyada bir çox futbolçumuz qripə yoluxmuşdu. Bəlkə də bizimlə birgə hazırlıq prosesinə qatılsaydı, səhhəti daha da pisləşərdi".

Qeyd edək ki, ölkə mətbuatında Orxan Sadıqlının kredit borcuna görə ölkədən kənara çıxışına qadağa qoyulduğu və bu səbəbdən də "Kəpəz"lə birgə Antalyada təlim-məşq toplanışında iştirak etmədiyi barədə xəbərlər yayılmışdı.

Milli.Az