İdman

Rusiyada qəribə olay: Braziliyalı oyunçusunun formada adını dəyişdilər

30 Oktyabr 2022 17:32
Baxış: 1 583
VTB-də minimal faiz dərəcəsi ilə nağd kredit 10.49%-dən

Rusiyanın "Lokomotiv Moskva" futbol klubunun bu günlərdə atdığı addım hər kəsin marağına səbəb olub.

Milli.Az musavat.com-a istinadən xəbər verir ki, klub rəhbərliyi bu ilin sentyabr ayında Braziliyanın "Amerika Mineyro" klubundan transfer etdiyi "Pedrinyo" olaraq bilinən Pedro Qabryel Pereyra Lopesə qəribə tələb irəli sürüb. Onlar braziliyalı oyunçunun formasında isminin başqa cür göstərilməsini  istəyiblər. Əslində, burada qəribə heç bir şey yoxdur.

Yalnız bilindiyi üzrə braziliyalı oyunçuların əsl adları çox uzun olduğu üçün onlar adətən xüsusi ləqəblə və ya soyadları ilə çıxış etməyə üstünlük verirlər. "Lokomotiv" rəhbərliyi isə futbolçunun özünə "Pedrinyo" adının Rusiyada homoseksual mənanı xatırlatdığını deyib və onu formada "Pedro Qabriyel" kimi göstərib. Hadisəni futbolçunun özü də mediaya verdiyi müsahibədə təsdiqləyib.

Rusların bu "həssaslığı" sosial şəbəkələrdə  lağ-lağı və məsxərəyə səbəb olub. İstifadəçilər (xüsusilə ukraynalılar) ruslardan əgər isimlər bu məqsədlə dəyişdiriləcəksə, ilk öncə müdafiə nazirinin (Sergey) adından başlamalarını məsləhət görüblər.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.