İdman

Rusiya və Belarus bu beynəlxalq qurumdan da uzaqlaşdırıldı

1 Mart 2022 08:12

0 Şərh Baxış: 961

#DÜNYADA

Beynəlxalq Hokkey Federasiyasının (BHF) növbəti iclası keçirilib.

Milli.Az "qafqazinfo"-ya istinadən xəbər verir ki, iclasda Rusiya və Belarusun beynəlxalq quruma üzvlüyü dayandırılıb.

BHF-in qərarına əsasən, Rusiya və Belarus millilərinin və klublarının bütün yaş kateqoriyaları üzrə komandalarının ali qurumun bayrağı altında keçirilən yarışlarda iştirakına qadağa qoyulub. Beləliklə, Rusiya və Belarus yığmalarının bu il Finlandiyada keçiriləcək dünya çempionatında iştirak etməyəcəyi dəqiqləşib.

Həmçinin, Rusiya 2023-cü ildə təşkil olunacaq gənclər arasında dünya çempionatına ev sahibliyi etməkdən məhrum olub. BHF yaxın vaxtlarda mundiala ev sahibliyi edəcək ölkənin adını açıqlayacaq.

Milli.Az