İdman

Azərbaycan Fransaya qarşı

16 Noyabr 2025 09:46

Baxış: 351

VTB-də yüksək depozit faizleri daha çox qazandırır

#AZƏRBAYCAN FUTBOLU #FRANCE #FUTBOL #FİFA

Bu gün Azərbaycan yığması dünya çempionatının seçmə mərhələsində son - 6-cı tur matçında Fransanı qəbul edəcək.

Milli.Az-ın məlumatına görə, Ayxan Abbasovun rəhbərlik etdiyi komanda Tofiq Bəhramov adına Respublika Stadionunda meydana çıxacaq. Qarşılaşma saat 21:00-da start götürəcək və oyunu latviyalı hakimlər briqadası idarə edəcək.

Millimizin qarşılaşmaya ciddi itkilərlə çıxacağı bildirilir. Yüksək hərarət səbəbindən heyətdən uzaqlaşdırılan və İslandiya ilə oyunu buraxan Elvin Cəfərquliyevlə yanaşı, zədələnən Toral Bayramov da matçda iştirak etməyəcək. Fransa millisinin heyətində isə Kilian Mbappe, Eduardo Kamavinqa və Manu Kone Bakıya gətirilməyib və oyunda çıxış etməyəcəklər.

Qeyd edək ki, komandamız 4-cü turda Parisdə "Park de Prens" stadionunda Fransa ilə qarşılaşıb və 0:3 hesabı ilə məğlub olmuşdu. Bundan başqa yığmamız seçmə mərhələdə İslandiyaya iki dəfə uduzub (0:5, 0:2), Ukrayna ilə matçlarda isə bir dəfə heç-heçə edib (1:1), digər görüşdə məğlubiyyət yaşayıb (1:2).

D qrupunda hazırkı vəziyyətə görə, Fransa 13 xalla liderdir və mundiala vəsiqəni artıq təmin edib. İslandiya və Ukrayna 7 xal toplayaraq müvafiq olaraq ikinci və üçüncü yerlərdə qərarlaşıblar. Azərbaycan yığması isə 1 xalla sonuncu - 4-cü pillədədir.

DÇ-2026, seçmə mərhələ - D qrupu
16 noyabr
21:00 - Azərbaycan vs Fransa

Hakimlər:
Baş hakim - Andris Treimanis
Yan xətt hakimləri - Haralds Gudermanis, Aleksey Spasennikovs
Dördüncü hakim - Vitalis Spasyonnikovs (hamısı Latviya)

VAR: Kley Ruperti (Niderland)
AVAR: Kristaps Ratnieks (Latviya)

Tural
Milli.Az