İdman

Zəncirbəndini açdı, 1 milyon dollar qazandı - FOTO

18 Fevral 2026 00:48

Baxış: 25 880

VTB-də minimal faiz dərəcəsi ilə nağd kredit 9.9%-dən

#OLİMPİADA

Hollandiyalı sürətli konkisürən Jutta Leerdam 2026 Qış Olimpiya Oyunlarında həm rekord qıraraq qızıl medal qazanıb, həm də yarışdan sonra zəncirbəndini açdığı anların viral olması sayəsində təxminən 1 milyon dollar gəlir əldə edib.

Milli.Az xəbər verir ki, 27 yaşlı Leerdam 1000 metr məsafəyə qaçışda 1.12.31 saniyəlik nəticə göstərərək həm Olimpiya rekordunu təzələyib, həm də qızıl medala sahib çıxıb. İdmançı qələbə hisslərini belə bölüşüb:

"Bu, həqiqətən bir xəyalın gerçəkləşməsidir. Finiş xəttini keçəndə çox yorğun və duyğulu idim. Adımın yanında yaşıl rəngi (rekord işarəsi) görüncə inana bilmədim."

Yarışdan sonra Jutta Leerdamın idman geyiminin (tulumunun) zəncirbəndini aşağı çəkməsi və daxildəki ağ "Nike" idman alt geyiminin görünməsi sosial mediada böyük marağa səbəb olub. Bu kadrlar qısa müddətdə 6 milyon 200 mindən çox izlənilib.

Dünya nəhəngi "Nike" brendi bu viral anları özünün 300 milyonluq hesabında "Bu qədər sürətli olduğunuzda icazə istəməzsiniz" qeydi ilə paylaşıb.

İddialara görə, bu viral görüntünün yaratdığı reklam effekti və marka ilə imzalanan yeni razılaşmalar Leerdama 1 milyon dollardan çox qazanc gətirəcək.

İdmançının öz şəxsi hesabındakı paylaşımların çatdığı kütlə və qarşılıqlı əlaqə sayəsində də əlavə gəlir əldə etdiyi bildirilir.

Lalə Qüdrətova
Milli.Az