İdman

"Legiya" Mahir Emreliyə yeni qiymət qoydu - MƏBLƏĞ

20 Yanvar 2022 14:54
1 Şərh     Baxış: 1 797
VTB-də minimal faiz dərəcəsi ilə nağd kredit 9.9%-dən

Polşanın "Legiya" klubu komandanın təlim-məşq toplanışına qatılmaqdan imtina edən Mahir Emrelini özbaşınalığına görə cəzalandırmaq niyyətindədir.

Milli.Az xəbər verir ki, fanat.az-ın əldə etdiyi ən son məlumata görə, Varşava təmsilçisi Azərbaycan millisinin hücumçusunu heyətinə qatmaq istəyən 8 klubun heç biri ilə razılığa gələ bilməyib.

Emrelini rənglərinə bağlamaq hədəfi ilə "Legiya"ya elçi düşənlər arasında Zaqreb "Dinamo"su, Krakov "Visla"sı, eləcə də, Türkiyənin iki Super Liqa təmsilçisi - "Başakşehir" və "Sivasspor" da var. 

Daha öncə azərbaycanlı oyunçunu 2,5 milyon avrodan aşağı məbləğə heç yerə buraxmayacağını bəyan edən varşavalılar vəziyyəti bir qədər də qəlizləşdirib. Belə ki, idarəçilərin son məsləhətləşməsindən sonra Mahir üçün yeni təzminat məbləği müəyyənləşdirilib - 3 milyon avro.

Təbii, bu məbləğ millimizin üzvünü transfer etmək fikrinə düşənlərin təxmin etdiyindən dəfələrlə çoxdur. "Legiya"nın prinsipial mövqeyi Emrelini istəyənlərin hər birinin geri çəkilməsini, daha uyğun variant axtarmasını şərtləndirir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.