Cəmiyyət

Şəhid Xəyal Şəkərovun adını daşıyan bulağın açılışı olub - VİDEO

2 Sentyabr 2021 15:30

0 Şərh Baxış: 1 073

VTB-də minimal faiz dərəcəsi ilə nağd kredit 10.49%-dən

#CƏMİYYƏT #VİDEO

Vətən müharibəsində böyük fədakarlıq göstərən igid hərbçilərimizdən biri də Xəyal Şəkərov olub.

Milli.Az Xəzər TV-yə istinadən xəbər verir ki, Tovuz rayonunun Əsrik Cırdaxan kəndinin sakini, Xüsusi Təyinatlı Qüvvələrin giziri Xəyal Şəkərov ötən il sentyabrın 27-dən Kəlbəcərdə döyüşlərə qatılıb. İgidimiz Hadruta qədər xüsusi şücaətlər göstərib, düşmənə sarsıdıcı zərbələr vurub.

Xəyal Şəkərov ailənin sevimlisi olub. O, həmişə öz doğum gününü evdə, valideynləri ilə birlikdə qeyd edib. 22 yaşını xidmətdə keçirən şəhid hərbçimiz həmişə doğum günündə ailəsindən hədiyyə alıb. Bu gün isə onun həm doğum günü qeyd edilib, həm də xatirəsi əbədiləşdirilib. Yaşadığı Tovuz rayonunun Əsrik Cırdaxan kəndində şəhid hərbçimizin adına bulaq kompleksi inşa edilib.

Xəyal göstərdiyi şücaətlərə görə "Vətən uğrunda", "İgidliyə görə", "Kəlbəcərin azad olunmasına görə" və "Xocavəndin azad olunmasına görə" medalları ilə təltif edilib.

Mövzu ilə bağlı daha ətraflı videomaterialı təqdim edirik:

Milli.Az