PUL
.jpg)
Bu il Ağcabədi rayonunda 11 min hektardan artıq sahədə pambıq əkilib. Qış aylarında aqrotexniki qaydaya uyğun olaraq arat işləri həyata keçirilərək, pambığın birinci vegetasiya suvarılması aparılıb. Rayonun müxtəlif ərazilərində əkilən pambıq öz axımı və nasosstansiyalar vasitəsi ilə suvarılır.
Milli.Az Real TV-ə istinadən bildirir ki, ümumilikdə, Ağcabədi rayonunda 63 min hektardan artıq əkin sahəsi suvarılıb ki, onun da 36 min hektarı Ağcabədi Suvarma Sistemləri İdarəsinin payına düşür. Rayonda əsas su mənbəyi Yuxarı Qarabağ kanalı, Araz çayının qolu olan Xan qızı kanalı və subartezian quyularıdır. Bu il suvarma mövsümünə qış aylarından ciddi hazırlıq işləri görülüb, nasosstansiyalarda sazlama və cari təmir işləri aparılıb.
Ağcabədi rayonunda əkin aparılan sahələrin hər birinə suvarma suyunun itkisiz çatdırılması üçün il ərzində torpaq məcralı kanallarda lildən təmizləmə işləri görülür. Kanalların təmizlənməsi prosesinə müasir texnikalar cəlb olunur.
Qeyd edək ki, hazırda adıçəkilən rayonda suvarma işləri uğurla davam etdirilir. Ötən il pambıq sahələrindən 38 min tondan artıq məhsul yığılıb. Bu il də məhsuldarlığın yüksək olması gözlənilir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
.png)
.png)
.png)
.jpg)
.jpg)
