Cəmiyyət

Bakı və Sumqayıtda yaşayanlar üçün ciddi təhlükə: Çirkab suyu içməli su mənbəyinə axır - VİDEO

5 İyun 2021 17:30

Baxış: 1 340

VTB-də minimal faiz dərəcəsi ilə nağd kredit 10.49%-dən

#CƏMİYYƏT #VİDEO

Paytaxtın Xırdalan şəhəri Həsən Əliyev küçəsində kanalizasiya suları yola axır. Bu azmış kimi həmin çirkli sular yolun kənarında yerləşən Ceyranbatan su anbarına doğru gedir. Düşünsək ki, bütün Bakı və Sumqayıt şəhəri bu anbar vasitəsilə içməli su ilə təmin edilir. Qarşıda bizi hansı problem gözləyir siz düşünün.

Kanalizasiya suyu və ətrafı bürüyən üfunət iyi.

Bu kadrlar Xırdalan şəhəri Həsən Əliyev küçəsində lentə alınıb. Kanalizasiya sistemi tutulduğundan 10 gündən çoxdur ki, bu mənzərə yaşanır. Ətrafda üfünət iyindən dayanmaq olmur. Əsas problemlərdən biri isə bu çirkab suların Ceyranbatan su anbarının ərazisinə axmasıdır.

Həmin ərazidə yaşayan vətəndaşlar da mövcud vəziyyətdən şikayətçidirlər. Onlar deyirlər ki, bir neçə il bundan öncə burada yeni kanalizasiya sistemi quraşdırılsa da proses düzgün aparılmadığından tullantı suları daşmağa başlayıb.

Vətəndaşların sözlərinə görə, burda yaşayış yerləri olsa da əsasən iri müəssisələr var ki, kanalizasiya sisteminə onların tullantıları axıdılır.

Milli.Az xezerxeber-ə istinadən xəbər verir ki, məsələ ilə bağlı "Azərsu"ASC-nin Abşeron su kanal idarəsinin rəisi Rövşən Əliyev bildirib ki, kanalizasiya sistemində yaranan problemə əsas səbəb ərazidəki müəssisələrdən axıdılan bərk tullantılardır. Bununla bağlı artıq dəfələrlə həmin müəssisələrə şifahi və yazılı şəkildə müraciət edilib.

Qurum rəsmisi əlavə edib ki, bir neçə gün öncə problemlə bağlı idarəyə müraciət edilib və idarənin işçiləri tərəfindən mexaniki yolla kanalizasiya sistemi açılmağa calışılıb. Lakin bir nəticə olmadığından idarə tərəfindən xüsusi maşınlar gətirilərək qısa zamanda problem həll ediləcək.

Milli.Az