Cəmiyyət

Qəhrəmancasına şəhid olan XTQ giziri - VİDEO

20 May 2021 15:04
Baxış: 771
VTB-də minimal faiz dərəcəsi ilə nağd kredit 10.49%-dən

Vətən müharibəsində  qəhrəmancasına  şəhid olan xüsusi təyinatlı qüvvələrin giziri Şəhriyar Abdullayevdən danışacağıq. O, oktyabrın 12-də Hadrut istiqamətində gedən döyüşlərdə qəhrəmancasına şəhid olub.  44 günlük vətən müharibəsində torpaqlarımızın azadlığı uğrunda son nəfəsinə qədər döyüşən igidimiz aprel döyüşlərində  də iştirak edibmiş.

Milli.Az xezerxeber.az-a istinadən bildirir ki, "Murovdan Kəlbəcərin qoxusu gəlir" deyən  Xüsusi Təyinatlı Qüvvələrin giziri 34 yaşlı Şəhid Şəhriyar Abdullayev.

Vətən müharibəsində Azərbaycanın yeni qələbə tarixini yazan igidlərimizdən biri də Şəhriyardır. O, Murov yüksəkliyinin, Füzulinin, Hadrutun, Cəbrayılın azadlığı uğrunda  qəhrəmancasına döyüşüb. Oktyabrın 12-də Hadrut istiqamətində gedən döyüşlərdə  şəhid olub.

Şəhriyar Abdullayev, 2012-ci ildən Xüsusi Təyinatlı Qüvvələrdə gizir kimi xidmətə başlayıb. 2016-cı il, Aprel döyüşlərində də iştirak edib.

Kəşfiyyatçı gizirimizin Vətənə  əmanət Zəhra və Firuzə adında qız övladları böyüyür.

XTQ-in giziri Şəhriyar Abdullayev   Ölümündən sonra "Vətən uğrunda", "Döyüşdə fərqlənməyə görə", "İgidliyinə görə" "Cəbrayılın azad olunmasına görə", "Kəlbəcərin azad olunmasına görə" medalları ilə təltif olunub.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.