Cəmiyyət

"Sərt karantinin tətbiq edilməsini məqsədəuyğun hesab etmirəm" - Professor - VİDEO

10 Mart 2021 16:40

Baxış: 2 419

VTB-də minimal faiz dərəcəsi ilə nağd kredit 9.9%-dən

#VİDEO #ARBTV #KORONAVİRUS

Hazırda sərt karantin tədbirlərinin tətbiq edilməsini məqsədəuyğun hesab etmirəm. Əgər növbəti günlərdə sərtləşdirici tədbirlər görülərsə, yəqin ki, bu, bir addım geri qayıtmaq barədə olacaq. Yəni SMS icazə sistemi, ictimai nəqliyyatın qadağası və iaşə müəssisələrinin qapadılması və s. barədə qərarlar ola bilər.

Milli.Az bildirir ki, bunu ARB24-ün "Nə baş verir?" verilişinə müsahibəsində professor Adil Qeybulla deyib. O bildirib ki, əhali karantin sərtləşməsi ilə bağlı qərarları müsbət qarşılamayacaq:

"Hazırkı vəziyyətin karantinin sərtləşdirilməsinə əsas vermədiyini düşünürəm. Bu rəqəmlər çərçivəsində yoluxma olarsa, hazırkı vəziyyətdə stabil şəkildə davam edə bilərik. Çünki ölkədə həm peyvəndlənmə prosesi aparılır, həm də insanların özündə yoluxduqdan sonra immunitet formalaşıb. Epidemioloji vəziyyət pisləşərsə, artıq situasiyaya uyğun qərarlar veriləcək".

A. Qeybulla onu da bildirib ki, maarifləndirici tədbirlərə üstünlük verilməli, qapalı məkanlarda karantin davranış qaydalarına düzgün riayət edilməlidir. Bundan başqa o, ictimai nəqliyyatda ciddi qayda-qanun yaratmağın lazım olduğunu qeyd edib.

Milli.Az