Cəmiyyət

"Ötən il boşanma ilə bağlı 1182 ərizə qəbul edilib"

25 Yanvar 2021 16:22
Baxış: 358

Ötən il Azərbaycanda 35 576 nikah qeydə alınıb.

Milli.Az Trend-ə istinadən bildirir ki, bunu Ədliyyə Nazirliyinin Vətəndaşlıq vəziyyəti aktlarının reyestri xidmətinin rəisi Reyhanə Kərimova deyib.

Nazirlik rəsmisi qeyd edib ki, 2018-ci ildən faktiki nikah münasibətində olan şəxslər müəyyən edilir:

"Onların tibbi müayinədən keçmələri təmin olunmaqla nikahları dövlət qeydiyyatına alınır. 2020-ci ildə də maarifləndirmə işi ilə faktiki nikahda olan 1 420 cütlük müəyyən edilib, onlardan 981-nin nikahı dövlət qeydiyyatına alınıb".

Xidmət rəisi deyib ki, ötən il Ədliyyə Nazirliyinin qeydiyyat şöbələri tərəfindən nikaha daxil olmaq üçün müraciət edən 61 erkən nikah yaşında olan şəxs və onun yaxınları erkən nikah və qohumlar arasında nikahın həyat və sağlamlığa mənfi-psixoloji təsiri barədə məlumatlandırılıb, 53 maarifləndirmə işi həyata keçirilib.

R.Kərimovanın sözlərinə görə, ötən il qeydiyyat şöbələri tərəfindən nikahın pozulması haqqında 1182 ərizə qəbul edilib:

"Onlardan 1 550-si psixoloqla söhbətə cəlb edilib. Qeydiyyat şöbələrində söhbətə cəlb edilmiş 288 cütlük nikahın pozulmasından imtina edib".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.