Cəmiyyət

Şəhid Xudayar Yusifzadənin qardaşı Diaspor FM-in qonağı olub

16 Dekabr 2020 15:04
Baxış: 1 165
VTB-də minimal faiz dərəcəsi ilə nağd kredit 10.49%-dən

Vətən müharibəsinin şəhidi, ifası ilə könüllərdə taxt quran Xudayar Yusifzadənin qardaşı Məhəmməd Yusifzadə Diaspor FM-ə müsahibə verib.

Diasporla İş üzrə Dövlət Komitəsindən Milli.Az-a verilən məlumata görə, Məhəmməd Yusifzadə qardaşı ilə bağlı uşaqlıq xatirələrindən, ailəliklə musiqiyə olan sevgilərindən, Xudayarın isə eyni zamanda, hərbi sahəyə marağından danışıb. O, könüllü olaraq cəbhəyə yollanan qardaşının müharibədə göstərdiyi şücaətləri, ağır döyüşlər zamanı özünün pozitivliyi ilə əsgərlərimiz arasında ruh yüksəkliyi yaratması ilə bağlı döyüş yoldaşlarının xatirələrini bölüşüb. Deyib ki, qanlı müharibədə əsgərlərin stressini azaltmaq, onların döyüş əhvalını qorumaq böyük qəhrəmanlıq idi.

M.Yusifzadə Xudayarın 30 il sonra Qarabağ dağlarında ilk dəfə səsləndirdiyi Azərbaycan musiqisini oranjman edən musiqiçilərimizə, onu diqqətdə saxlayan jurnalistlərə və Azərbaycan diasporuna təşəkkürünü bildirib. O, 44 gün ərzində ordumuzun müharibə meydanında apardığı mübarizə ilə yanaşı, xaircdə yaşayan soydaşlarımızın da informasiya cəbhəsində erməni lobbisi ilə mücadiləsini xüsusi vurğulayaraq minnətdarlığını ifadə edib.

Diasporla İş üzrə Dövlət Komitəsinin kollektivi olaraq uca Allahdan şəhidlərimizə rəhmət, qazilərimizə tezliklə şəfa diləyirik.

Diaspor FM-in adıçəkilən proqramını bu linkdə dinləmək olar:

https://youtu.be/38h00O-WoLY

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.