Cəmiyyət

Müdafiə naziri “BOO - 2020” yarışlarının bağlanış mərasimində iştirak edib - FOTO

5 Sentyabr 2020 22:52

Baxış: 1 185

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Müdafiə naziri general-polkovnik Zakir Həsənov sentyabrın 5-də Moskva şəhəri yaxınlığındakı Alabino poliqonunda təşkil edilən "Beynəlxalq Ordu Oyunları - 2020" (BOO - 2020) yarışlarının son günündə keçirilən "Tank biatlonu" müsabiqəsinin final mərhələsinə çıxmış Azərbaycan tankçılarının digər komandalarla mübarizəsini izləyib və qalib gəlmiş hərbi qulluqçuların mükafatlandırılmasında iştirak edib.

Müdafiə Nazirliyindən Milli.Az-a verilən məlumata görə, "BOO - 2020" yarışlarının təntənəli bağlanış mərasimi konsert proqramı ilə sona çatıb.

Qeyd edək ki, hərbçilərimiz bu yarışlar çərçivəsində keçirilən "Dəniz kuboku" və "Tank biatlonu" müsabiqələrində ölkəmizi yüksək səviyyədə təmsil ediblər.

Milli.Az