Avto

Ən etibarsız 5 elektrik krossoveri açıqlandı

10 Dekabr 2025 18:00
Baxış: 2 005
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #AVTOMOBİL

"What Car" ən etibarsız 5 elektrik krossoverini açıqlayıb.

Milli.Az xəbər verir ki, Böyük Britaniyanın "What Car" avtomobil nəşri ikinci əl bazarında ən etibarsız elektrik krossoverlərinin reytinqini dərc edib.

Reytinq minlərlə avtomobil sahibinin sorğusu əsasında hazırlanıb və modellər 100 ballıq sistemlə qiymətləndirilib.

Sorğunun nəticələrinə görə, ən etibarsız elektrik krossoveri Volkswagen ID.4 olub. Model cəmi 79,6% etibarlılıq göstəricisi ilə siyahının sonuncu pilləsində qərarlaşıb.

İkinci yerdə Nissan Ariya yerləşir - 80,9%, üçüncü yerdə isə BMW iX - 81% etibarlılıqla.

Dördüncü və beşinci sıraları MG ZS EV (81,8%) və Audi e-tron (84,4%) tamamlayır.

Qeyd edək ki, "What Car" daha əvvəl ən bahalı servis xərclərinə malik avtomobillərin siyahısını da hazırlamışdı. Bu reytinqə görə, ən bahalı təmir tələb edən model 2019-cu il BMW 3-series olub. Bu avtomobillərin sahibləri illik orta hesabla £421 xərcləyir. İkinci yeri 2018-ci ildən istehsal olunan Audi A1 tutur - illik təmir xərci orta hesabla £218. Üçüncü yerdə isə 2013-2020-ci illərin Audi A3 modeli qərarlaşıb. Bu avtomobil üzrə orta illik təmir xərci £100 təşkil edir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.