Cəmiyyət

Azərbaycan pambıq məhsullarının ixracını artırmaq niyyətindədir

8 İyun 2020 08:22

Baxış: 959

VTB-də minimal faiz dərəcəsi ilə nağd kredit 10.49%-dən

İlin əvvəlindən Azərbaycan pambığı əsasən Türkiyəyə ixrac olunub.

Milli.Az bildirir ki, bunu Trend-ə Azərbaycan Sənaye Korporasiyasının Aqrar İstehsal və Ticarət Departamentinin direktoru İlham Bayramov deyib.

Onun sözlərinə görə, Rusiyadan alıcıların müəyyən təklifləri var və gələcəkdə pambığın bu istiqamətdə də ixrac edilməsi planlaşdırılır.

Direktor bildirib ki, hazırkı dövrədək Türkiyəyə 10 354 ton Pambıq lifi ixrac edilib.

İ.Bayramob qeyd edib ki, bu il 650 hektar sahədə yeni texnologiyalar və üsullardan, xüsusilə də cüt sıra və damcı əkin üsullarından istifadə olunaraq əkin aparılıb:

"Məhsuldarlığı artırmaq üçün gübrələrin vaxtında istifadə edilməsi son dərəcə vacibdir. Bunun üçün torpağa lazımi miqdarda azot və karbamid, həmçinin ammofos və ammonium nitrat gübrələri daxil edilir".

Xatırladaq ki, ötən il məhsuldarlıq bir hektardan 28 sentner həcmində nəzərdə tutulmuşdu, bu il həmin göstəricinin 30 sentner olması proqnozlaşdırılır.

Cari ilin əkin dövründə "Azərpambıq ASK" MMC bir sıra yeni üsul tətbiq edib. Cüt sıra əkin üsulunu misal gətirmək olar. Bu üsul sayəsində daha çox toxum əkilir, bu da yüksək məhsuldarlığa səbəb olur.

Milli.Az