Cəmiyyət

İki günlük qadağada zibil də atmaq olmaz - Rəsmi

5 İyun 2020 13:18
12 Şərh     Baxış: 4 808

Bu gün gecə saat 00:00-dan etibarən 8 iyun saat 06:00-dək Bakı, Sumqayıt, Gəncə, Lənkəran şəhərləri və Abşeron rayonu ərazisində hərəkətinə icazə verilmiş şəxslərdən başqa vətəndaşların olduğu yeri tərk etməsinə icazə verilmir. Bu qərarın icrasına da Daxili İşlər Nazirliyi nəzarət edəcək.

Nazirliyin Mətbuat xidmətinin rəisi, polis polkovniki Ehsan Zahidov qafqazinfo-ya açıqlamasında bildirib ki, qeyd edilən rayon və şəhərlərdə şənbə və bazar günləri müvafiq icazəsi olan vətəndaşlardan başqa digər vətəndaşlara yaşayış yeri və olduğu yeri tərk etmək qadağan olunacaq: "Bu tələbləri pozan vətəndaşlar İnzibati Xətalar Məcəlləsinin 211.1-ci maddəsinə əsasən 100 manat cərimə ediləcəklər. Polis əməkdaşları və Daxili Qoşunların hərbi qulluqçuları karantin rejimə nəzarəti mütəmadi və gücləndirilmiş formada həyata keçirəcəklər. Qərarın tətbiq edildiyi rayon və şəhərlərdə yalnız mərkəzi hissələr deyil, hər yerdə, məhəllələrdə də polis nəzarəti olacaq. Vətəndaşları həftənin iki günü evdə olmağa, küçəyə çıxmamağa çağırırıq. Çünki bizim məqsədimiz vətəndaşları cərimələmək deyil, onların sağlamlığın qorunması üçün atılan addımdır. Buna görə də inanırıq ki, vətəndaşlarımız bu tələbləri anlayışla qarşılayıb cəmi iki gün evdə qalacaqlar".

E.Zahidov əlavə edib ki, vətəndaşlar qeyd olunan iki gün ərzində zibil atmağa da gedə bilməzlər: "Buna icazə verilmir. Nazirlər Kabineti yanında Operativ Qərargah bu iki gün ərzində evdən çıxmaq üçün iki hal müəyyən edib. Birincisi, vətəndaşın  həyatı üçün real təhlükə yaradarsa onda evi tərk edə bilər. İkincisi, yaxın qohumunun dəfnində iştirak etmək istəyən şəxs Daxili İşlər Nazirliyinin 102 zəng mərkəzinə yaxud 012 590 80 20 Qaynar xəttinə müraciət edib məlumat verəcək. Qısa müddət ərzində həmin şəxsin müraciəti araşdırılacaq, verilən məlumat həqiqətə uyğun olarsa, onun evdən çıxmasına, dəfndə iştirakına icazə veriləcək. Bu barədə həmin şəxsə və onun getdiyi istiqamətdə xidmət aparan polis əməkdaşlarına məlumat veriləcək, həmçinin, bu barədə polislərin istifadəsində olan planşetlərə qeyd göndəriləcək. Yalnız bu iki halda evdən çıxmağa icazə verilir. Vətəndaşlar digər hallarda evdə oturub istirahət etməlidir. Həftənin birinci günündən etibarən isə vətəndaşlar qoruyucu maskalardan istifadə edərək sərbəst işə gedib-gələcə biləcəklər".

Milli.Az

loading...

Şərh yaz:

12 Şərh:

  • Anonim
    Vay vay · 5 İyun 13:3368

    Evi qurd basıcey

    Cavab yaz
    • Anonim
      79 · 5 İyun 14:2150

      Oruc tutaq veqan bəslənək ciy yeyək Ekanomiya

      Cavab yaz
    • Anonim
      miki · 5 İyun 14:4527

      Evi niyə? Balkondan kulyok qatışığ atarıq, başqa əlacımız yoxdu

      Cavab yaz
      • Anonim
        Vay vay · 5 İyun 15:2624

        :))) Hə da, taa nağayrağ)

        Cavab yaz
      • Anonim
        Gör heç ağlıma gəlib? · 5 İyun 20:2400

        Aaaa.. Nə yaxşı dediz. Əla

        Cavab yaz
  • Anonim
    Alimardan · 5 İyun 15:0441

    Hatemxanaga demişkən, biz bes gun isleyib altı bazar istirahət ederik. Koronagil ise əksinə alti bazar isleyib 5gun istirahət edirlər.

    Cavab yaz
  • Anonim
    Azər · 5 İyun 15:4433

    Cumə günüdə daxil olmaqla, hər həftə karantin rejimi sərtləşsin!!!! Bəlkə insanlar bundan sonra qaydalara əməl edər.

    Cavab yaz
    • Anonim
      Hansı qaydalara · 5 İyun 15:5640

      Balkondan zibilatma qaydalarına?

      Cavab yaz
    • Anonim
      Sovet vətəndaşı · 5 İyun 17:2600

      Hansı qaydalara?

      Cavab yaz
  • Anonim
    ALEKS♥️ · 5 İyun 17:2511

    Əzəldən sərtləşdirmə qaydalarının tərəfdarı olmuşam.inanın qonşusu,dostu,qohumu koronadan ölür....bu hələ də inanmır,deyir elə bir şey yoxdu,yalandı.başına gələndə də gec olur axı.sərt cəza tədbirləri,qadağalar olmasa bunları başa salmaq olmaz.metrodakı,,masqa qəhrəmanlığını,,polisə qarşı zorakılığı gördüz???buna nə ad vermək olar?sənin sağlamlığının qayğısını çəkənə qarşı bu nə hərəkətdir!!!qanun daha da sərt olmalıdı.bəzi kütbaşları,dəlioğlanları,ağanəzərləri ...başa salmaq üçün mütləq vacibdi.

    Cavab yaz
    • Anonim
      Предсмертное желание · 5 İyun 19:5210

      Yaziq polislerimiz bunlarin saqlamliqi ucun uz-goz olur bunlarin elediklerine bax!!!Cavan qizlara yeqin xoshdur onlara biqi burma kishiler yaxinlashib deyirler "agzivi bagla ay xanim"!!!

      Cavab yaz
  • Anonim
    Jale · 5 İyun 20:3021

    chox mentiqsiz bir qerar

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.