Cəmiyyət

Yaxın qohumun vəfat etməsi ilə bağlı həkimin təsdiq etdiyi teleqram vacibdir - İbrahim Məmmədov

2 Aprel 2020 22:00

Baxış: 4 423

VTB-də minimal faiz dərəcəsi ilə nağd kredit 9.9%-dən

#OPERATİV QƏRARGAH

Yasda iştirak etmək üçün də yaşayış yerini tərk etmək icazəsi alınmalıdır.

Milli.Az Trend-ə istinadən bildirir ki, bunu Azərbaycan Televiziyasında (AzTV) "Hədəf" verilişinin qonağı olan Nazirlər Kabinetinin mətbuat xidmətinin rəhbəri İbrahim Məmmədov deyib.

Onun sözlərinə görə, bunu üçün 8103 SMS xidmətinə 3 rəqəmini göndərmək lazımdır:

"Burada təkcə SMS göndərmək kifayət deyil. Yaxın qohumun vəfat etməsi ilə bağlı həkimin təsdiq etdiyi teleqram da vacibdir. Bu sənəd olduğu təqdirdə icazə verilir və vaxt məhdudiyyəti qoyulmur. Dəfn mərasiminin məhdud şəkildə keçirilməsi ilə bağlı tövsiyələr əvvəlki sənədlərdə var. Mərasim yerlərində yas mərasimi keçirmək qadağandır. Lakin yaxın qohumun dəfn mərasimində iştirak etmək bizim adətlərimizdən biridir".

Xatırladaq ki, koronavirus (COVID-19) infeksiyasının yayılmasının qarşısının alınması məqsədilə tətbiq edilən xüsusi karantin rejimi çərçivəsində ölkədə hərəkət məhdudiyyətləri müəyyən olunub.

Əhalinin həyat və sağlamlığının qorunmasını, dövlət qurumlarının və həyat təminatı obyektlərinin fasiləsiz işini, habelə yaranmış vəziyyətdə iqtisadi subyektlərin zəruri həddə fəaliyyətini təmin etmək məqsədilə Azərbaycan Respublikasının Nazirlər Kabineti yanında Operativ Qərargah ölkədə hərəkət məhdudiyyətlərinin 5 aprel 2020-ci il saat 00:00-dan 20 aprel 2020-ci il saat 00:00-dək aşağıdakı qaydada tətbiqi ilə bağlı qərar alınıb.

Milli.Az