Cəmiyyət

Özəl bağçalara uşaqların qeydiyyatı başlayır

9 Sentyabr 2026 17:02

Baxış: 243

VTB-də minimal faiz dərəcəsi ilə nağd kredit 9.9%-dən

Məktəbəqədər təhsil sahəsində valideyn-dövlət-özəl əməkdaşlığına əsaslanan yeni maliyyələşmə modeli çərçivəsində müəyyən edilmiş özəl məktəbəqədər təhsil müəssisələrinə uşaqların elektron qeydiyyatına başlanılır.

Milli.Az xəbər verir ki, bu barədə Elm və Təhsil Nazirliyindən məlumat verilib.

Bildirilib ki, valideynlər övladlarını myGov platforması vasitəsilə sentyabrın 14-ü saat 15:00-dan etibarən sentyabrın 25-i saat 15:00-dək qeydiyyatdan keçirə bilərlər.

Qeyd edək ki, yeni maliyyələşmə modelinin əsas məqsədi 2026-2027-ci tədris ilində məktəbəqədər təhsilin əhatə dairəsini genişləndirmək, valideynlər üçün əlavə seçim imkanları yaratmaq, məktəbəqədər təhsil xidmətlərinin əlçatanlığını artırmaq və dövlət-özəl əməkdaşlığını inkişaf etdirməkdir.

Müəllif: Malik Məlikov (Milli.Az redaktor)