Cəmiyyət

8 il əvvəl dünyasını dəyişən şəxsə 516 manat su borcu yazıldı - VİDEO

16 Yanvar 2020 18:09
2 Şərh     Baxış: 2 108

8 il bundan əvvəl dünyasını dəyişmiş şəxsin adına 516 manat su pulu gəlib. Uzun müddətdir Bakıda yaşayan Şəki sakini Arzu Qasımova evinə geri dönən zaman su idarəsindən gələn bildirişi görüb dəhşətə gəlib.

Milli.Az bildirir ki, mövzu ilə bağlı ARB TV-nin "Günə Doğru" proqramında süjet yayımlanıb.

Arzu Qasımova - Şikayət: "3 uşağım var, heç bir yerdə işləmirəm, Bakıda kirayədə yaşayıram. Şəkidən gəldim gördüm ki, su kəsilib. Su ümumiyyətlə yoxdur, suyu çəkməyə də qoymurlar. Gördüm ki, 516 manat su borcu yazıblar. Həmin borcu da vəfat etmiş şəxsin adına yazıblar. Mən bu ölülərin adına pul keçirməliyəm? Ölülər axı su işlətməyiblər. Bu nə dərəcədə düzgündür?".

Əlyar Hüseynov - Qonşu: "Onlar burda olmayıblar. Bakıda yaşayıblar. Bu məbləğdə su pulu yazıblar. Halbuki evlərinə su gəlməyib. Uzun müddətdir burda heç kəs yaşamayıb".

Günlərdir susuz qalan şikayətçi bu borcu ödəmək niyətində deyil. Şəki "Sukanal" idarəsindən isə bildiriblər ki, borc sistemə oturub və ödəniş edilməsə mənzilə su verilməyəcək.

Arzu Qasımova - Şikayət: "Bakıdan gələn sənədlərlə də bağlı getdik. Qeyd olundu ki, bərpa olunacaq. Ancaq biz yenə də susuzuq, yenə də suyumuz yoxdur. Yalnız deyirlər ki, icazə verilmir. Pul ödənilməsə mümkün deyil. Bəs onda biz nə işlədək?".

Bu cür problemlər hələ sayğaclaşdırılmamış, su pulunun adambaşına hesablandığı ərazilərdə yaşanır. Mənzildə qeydiyyatda olanların sayı dəyişdikdə, abonent su idarəsinə məlumat vermir, nəticədə ona elavə borc yazılır. "Azərsu" ASC-nin mətbuat katibi Anar Cəbrayıllı bu kimi faktlarla tez-tez rastlaşdıqlarını deyir.

Anar Cəbrayıllı - "Azərsu" ASC-nin mətbuat xidmətinin rəhbəri: "Ailə qurub köçənlər olur və ya da ki, dünyasını dəyişənlər olur. Belə halda hökmən həmin vətəndaşlar bizim yerli su kanal idarələrinə ölüm haqqında şəadətnamə ilə, nikah haqqında şəadətnamə ilə və ya uşaq əsgərə gedibsə, hərbi komissarlıqdan arayışla müraciət etməlidir ki, həmin dövr üçün bu şəxslərə görə hesabat aparılmasın".

Şəki sakini Arzu Qasımovanın məsələsinə gəldikdə,

Anar Cəbrayıllı - "Azərsu" ASC-nin mətbuat xidmətinin rəhbəri: "Arayışlar təqdim olunsun. Ondan sonra komissiyaya müraciət olunacaq. Və komissiya dünyasını dəyişmiş insanlara görə hesablanmış məbləği onun ümumi vəsaitindən çıxacaq. Amma orda yaranmış borcun hamısı silinməyəcək. Çünki orda müəyyən müddət var. Əgər vətəndaş nə vaxtdan dünyasını dəyişibsə, o vaxtdan hesablanır. Ona görə də o borcun bir hissəsi orda qalacaq və o borc mütləq şəkildə ödənilməlidir".

Bu cür problemlər yaranmasın deyə, ölkədə bütün abonentlərin sayğacla təmin olunması tələb olunur. Hazırda "Azərsu" ölkə üzrə sayğaclaşmanı 84 faizə çatdırıb.

Milli.Az

loading...

Şərh yaz:

2 Şərh:

  • Anonim
    - · 16 Yanvar 20:5120

    Komunal borclarını vermək istəməyən varlıların əvəzinə kasıblar borclu çıxarılırlar. Sayğacların olmaması, qeyd olunan qeyri müəyyənlik abonentləri borclu çıxarmaq üçün (çatışmayan pulu yığmaq üçün) "əla fürsətdir". Haramları olsun.

    Cavab yaz
  • Anonim
    Esra Ibrahimli(Samaxi) · 16 Yanvar 21:0261

    Ölenin adina gelmeyi behane etmesin Ev sahibi rehmete getdise onun yoldasi ölüm kaqizn goturub qaz , su , isiq ve saire idarelere gedib tesdiqletmeli ve öz adina kecirtmelidi bu 1. 2 cisi deee siz Sekiden Bakiya gelende erize yazib sayqaci muveqqeti baqlatdirmalisiniz baqlanmirsa her ayin pulun yazaqcaq .Menim nenem gelir her il 5-6 ay qalir mamamgilde gedenden sonra yiqilmis su pulunda telefon pulunda ödüyür Aile basina olduquna gore yox smart kart olanda kartuvu yukle hara isteyirsen get Bizde hamisi kartnandi qazda suda ve saire.Belkede kecmisden rehmetlik saqiken olan borclarda yiqilib O vaxti mamagilin bir qonsusu var idi qaz isiq su pulu hec vaxt vermirdi ele bil etin kesirdiler qaz pulu su pulu gelende heyetde 1 konsert qopurdu gel goresen.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.