Cəmiyyət

Samux rayonunda 5 Oktyabr - Beynəlxalq Müəllimlər Gününə həsr olunmuş "Ey hörmətli Müəllim...!" adlı tədbir keçirilib - (Foto)

4 Oktyabr 2026 12:58

Baxış: 267

VTB-də minimal faiz dərəcəsi ilə nağd kredit 9.9%-dən

Gəncə-Daşkəsən Regional Təhsil İdarəsinin Samux rayonu üzrə təhsil sektorunun və Elm və Təhsil İşçiləri Həmkarlar İttifaqının (ETİHİ) Samux Rayon Komitəsinin birgə təşkilatçılığı ilə 5 Oktyabr - Beynəlxalq Müəllimlər Gününə həsr olunmuş "Ey hörmətli Müəllim...!" adlı təntənəli tədbir baş tutub.

Tədbirdə rayonun təhsil həyatında xüsusi xidmətlərinə görə fəxri adlara layiq görülmüş və hazırda təqaüddə olan təhsil işçiləri, eləcə də ötən tədris ilində dərslərin keyfiyyətinin yüksəldilməsi, yüksək akademik nailiyyətlər və səmərəli pedaqoji fəaliyyəti ilə fərqlənən qabaqcıl təhsilverənlər iştirak ediblər.

Tədbirdə çıxış edən Samux rayon üzrə təhsil sektorunun müdiri Nurlana Həsənova pedaqoji kollektivi bayram münasibətilə səmimi qəlbdən təbrik edərək təhsil sahəsində tətbiq olunan yeniliklərdən və əldə edilən uğurlardan danışıb. İl ərzində rayonun müxtəlif məktəblərində çalışan müəllimlərin monitorinqlərdə və müsabiqələrdə qazandıqları nailiyyətlər xüsusi qeyd edilib. Təhsil sahəsinə göstərilən yüksək dövlət qayğısına görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban Əliyevaya dərin minnətdarlıq ifadə olunub.

Digər çıxış edənlər də təhsilimizin inkişafına göstərilən dövlət qayğısından danışaraq qarşıya qoyulan təhsil hədəflərinə çatmaq üçün daha səylə çalışacaqlarını bildiriblər.

Bayram tədbiri şagirdlərin hazırladıqları bədii kompoziyalarla davam edib.
Sonda qabaqcıl təhsil işçilərinə Fəxri fərmanlar və Elm və Təhsil İşçiləri Həmkarlar İttifaqının (ETİHİ) Samux Rayon Komitəsi tərəfindən xatirə hədiyyələri təqdim olunub.