Sağlamlıq

Duru yağ zərərlidir? – Mütəxəssis açıqladı

4 Oktyabr 2026 06:06

Baxış: 261

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #QİDA

Duru yağların zərərli olduğunu demək olmaz. Çünki duru yağ etibarlı və keyfiyyətli, mənşəyi bəlli olan xammaldan - zeytun, günəbaxan və qarğıdalıdan istifadə olunaraq hazırlanırsa, bizim region üçün istifadəyə daha uyğundur.

Bu sözləri Axar.az-a açıqlamasında qida eksperti Məhsəti Hüseynova duru yağlarla bağlı deyib.

Onun sözlərinə görə, düzgün texnologiya ilə hazırlanıbsa, düzgün miqdarda istifadə olunursa və saxlanma şəraiti normaldırsa, bu yağlardan istifadə etmək olar:

"Yalnız bir yağ dəfələrlə qızdırılıb istifadə olunursa, bu zaman onun tərkibində oksidləşmə artır və müxtəlif zərərli maddələrin yaranmasına gətirib çıxara bilər. Eyni zamanda, çox yüksək temperaturda uzun müddət saxlanıldıqda və ya bişirmə zamanı uzun müddət istiliyə məruz qaldıqda, tüstüləndikdə həmin yağların istifadəsi zərərlidir. Duru yağların qızartmalarda təkrar istifadəsinə yol verilməməlidir. Yağın dadında acılıq varsa, qoxusu tündləşibsə, bu, yağın keyfiyyətsiz olduğunu göstərə bilər. Buna mütləq diqqət etmək lazımdır.

Bir insan gün ərzində 25 qrama qədər yağ qəbul etməlidirsə, bu miqdar hər kəsin çəkisinə, bədən ölçüsünə və gündəlik fiziki aktivliyinə görə dəyişir. Onun müəyyən hissəsinin keyfiyyətli bitki yağlarından olması faydalıdır. Çünki onların tərkibindəki doymamış yağ turşuları orqanizmin sağlamlığı üçün faydalıdır. Nəzərə almaq lazımdır ki, yağın xarab olmasına ən çox təsir göstərən amillərdən biri işıq, istilik, həmçinin yağın qapağının dəfələrlə açılaraq oksidləşməyə məruz qalmasıdır".

Müəllif: Tural Hüseyn (Milli.Az redaktor)