Cəmiyyət

Sürücülük vəsiqəsi imtahanını yol polisi keçirməsin - TƏKLİF - VİDEO

3 Dekabr 2019 14:40
4 Şərh     Baxış: 3 975

Azərbaycanda sürücülük vəsiqələrinin alınması üçün təşkil edilən imtahanların Dövlət İmtahan Mərkəzi tərəfindən keçirilməsi təklif edilir.

Millət vəkili Fazil Mustafa deyir ki, bu ideyanı gerçəkləşdirmək çətin olsa da, mümkünsüz də deyil.

Fazil Mustafa (Millət vəkili): "Bugünkü qəzaların çoxu, məhz bundan doğan problemdir. Bu, təbii ki, mümkündür. Bu məsələ müvafiq qurumlar arasında danışıqlar olarsa, həyata keçirilə bilər".

Milli.Az bildirir ki, məsələ ilə bağlı ARB TV-nin "Günə Doğru" proqramında geniş süjet yayımlanıb.

Ekspertlər deyirlər ki, imtahanın hansı qurum tərəfindən keçirilməsinin önəmi yoxdur. Əgər bu iş DYP-dəki kimi icra ediləcəksə, başqa bir quruma həvalə etmək əlavə çətinliklər yarada bilər. Bu, həm də vətəndaşların vaxt itkisinə də səbəb olacaq.

Elməddin Muradlı (Ekspert): "Sürücülük məsələləri ilə bağlı məsələ o qədər də qəliz bir iş deyil. Bunu yol polisi sadə şəkildə həyata keçirir. Real görünmür. Maddi texniki bazanı qurmaq, hər həftə iki-üç dəfə imtahan keçirmək. Bu DİM-in formatını kiçiltmək və ya işinin ağırlaşdırılmasına təsir göstərəcək".

Hazırda Azərbaycanda 4 milyona yaxın insan sürücülük hüququna sahib olsa da, bu rəqəm günü-gündən artmaqdadır. Vətəndaşlar da, indiki prosedurun daha rahat və əlçatan olduğu qənaətindədir.

Millət vəkili Fazil Mustafa bu təklifin gerçəkləşməyəcəyi təqdirdə, şəffalıq üçün vətəndaş nəzarəti ilə bu imtahanların keçirilməsini təklif edir.

Fazil Mustafa (Millət vəkili): "İndiki vəziyyətdə qalmaqla, ictimai nəzarəti gücləndirməklə, daha peşəkar formada, hazırlıqlı adamlara vəsiqənin verilməsi gerçəkləşdirilə bilər".

Təkliflərin, iradların fonunda, məsələ, hələ ki, açıq qalır. Avtomobil idarə etməyi bacaran, qanun və qaydaları bilən şəxs üçün nə fərqi var ki, imtahanı harada verir? Əsas odur ki, bu imtahandan yox, yollarda üzləşəcəyi imtahandan qalib çıxsın...

Milli.Az

Məqaləyə dair fotomateriallar:

loading...

Şərh yaz:

4 Şərh:

  • Anonim
    Anonimka · 3 Dekabr 15:0940

    Düz deyir deputat,hamı bilir ki,vesiqelerin 90%pulnan alınır,alsınlar ellerinden,belke onda bu qeder qeyri peshəkar sürücülerin sayı azalar, avtomobil nömrelerin satıshını da versinler ASAN

    Cavab yaz
  • Anonim
    Novruz baba · 3 Dekabr 15:0950

    Mən təklif edərdim ki, heç olmasa bilet suallarının imtahanı tam şəffaf olsun. Bilməyənə heç bir halda sürücülük vəsiqəsi verilməsin. Testi verdikdən sonra "yezda" imtahanını necə istəyirsən keçir dəə. Necə olsa yezda praktik vərdişdi, sonradan qazanıla bilir, amma qaydaları bilməmək real təhlükədir - həm özünə, həm də ətrafına

    Cavab yaz
  • Anonim
    səbr · 3 Dekabr 15:1220

    sadəcə olaraq yol hərəkəti qaydalarına əməl olunmur imtahanın kimlər tərəfindən aparıldığı heç nəyə əsas gətirmir qadınla dikdaban ayaqqabıda kişilər içkili sükan arxasında min hoqqadan çıxanda qəza da baş verəcək o yana da keçəcək

    Cavab yaz
  • Anonim
    Samir · 3 Dekabr 23:3400

    Salam Məmmədov Samir sizdən xahiş edirəm ki məhdudlaşmış sürücuülük vəsiqəsini hasandlaşdırılsın

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.