Cəmiyyət

Cənnət uzaqda deyil: Murov obaları - VİDEO - FOTO

14 İyul 2017 20:37
1 Şərh     Baxış: 1 149

Qızmar yay aylarında hər kəs şəhərin cansıxıcı istisindən və səs-küyündən baş götürüb təbiət qoynuna çəkilmək istəyir. İstirahət günlərini daha mənalı və yaddaqalan keçirmək istəyənlər üçün ilk ağla gələn münasib məkan seçimi və məzuniyyət günlərini bədxərclik etmədən xoş xatirəyə çevirməkdir. Belə günlərdə kənd turizminin imkanlarından yararlanmaq istəyənlər üçün Murov obaları ən münasib seçimdir.

Bu məkanı kəşf olunmamış cənnət də adlandırmaq olar. Murov obaları və dağın ətəyindəki kəndlər Goranboy rayonunun inzibati ərazisinə daxildir. Goranboy rayonu ilə Murov obaları arasındakı məsafə 45 kilometrdən çox deyil. Rayon mərkəzindən Yuxarı Ağcakəndə gəlmək, oradan isə Rus Borisi kəndinə qalxmaqla ömür boyu unudulmayacaq füsunkar və bənzərsiz təbiət mənzərələrini seyr etmək mümkündür. Zəngin floraya sahib bu obalar lalələrlə örtülüb.

Rus Borisinin sakinləri tərəfindən qonaqlara göstərilən mehribanlıq, səxavət və səmimilik bu kəndin ən gözəl adətlərindəndir. Yay günlərində burada qalmaq üçün kənd sakinləri tərəfindən bir aylıq 40-50 manata ev kirayələmək də mümkündür.

Milli.Az AZƏRTAC-a istinadən Murov obalarından çəkilən fotoreportajı təqdim edir.

Milli.Az

Videonu izləmək üçün şəklə klikləyin:

Cənnət uzaqda deyil: Murov obaları

Məqaləyə dair fotomateriallar:

Şərh yaz:

1 Şərh:

  • Anonim
    Murat · 14 İyul 21:5410

    Gözel yerlerdir. Turistler ora da ayaq açsın qiymetler ceyran beline qalxacaq

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.