Cəmiyyət

Dərs vəsaitlərində qadağa

24 Yanvar 2015 10:49
0 Şərh     Baxış: 2 578
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#TƏHSİL #MİLLİ MƏCLİS
Azərbaycanda dərslik, dərs vəsaiti, tədris materialı, məktəb gündəliyi, dəftər, albom, yetkinlik yaşına çatmayanlar üçün nəzərdə tutulmuş kitabda reklam yerləşdirilə bilməz.

Milli Məclisdən Trend-ə verilən məlumatına görə, bu, parlamentin fevralın 2-də keçiriləcək sessiyasında müzakirəyə çıxarılacaq "Reklam haqqında" qanun layihəsində nəzərdə tutulub.

Yeni layihəyə əsasən, yetkinlik yaşına çatmayanlar üçün nəzərdə tutulmuş dövrü mətbu nəşrlərdə onlara aid olmayan əmtəələrin, alkoqollu içkilərin reklamı qadağandır.

Bununla yanaşı, teatr taşamasının gedişində və kino filmlərinin nümayişi zamanı reklamın yayımlanması qadağan edilir.

Yeni layihəyə əsasən, dövlət və bələdiyyə orqanlarının yerləşdiyi binalarda, tarixi və memarlıq abidələrinə aid edilmiş tikililərdə reklamın yerləşdirilməsi qadağandır.

Qeyd edək ki, hazırda bəzi məktəb gündəliklərində, dəftərlərin üzərində reklamlar yerləşdirilir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.