Şou-biznes

Müğənni Güllünün sərvəti açıqlandı - gözlənilməz məbləğ

17 Dekabr 2025 23:00
Baxış: 6 403
VTB-də minimal faiz dərəcəsi ilə nağd kredit 9.9%-dən
#MÜĞƏNNİ

Yalovada evinin pəncərəsindən yıxılaraq həyatını itirən, səhnə adı "Güllü" olan müğənni Gül Tutun Çınarcık rayonundakı evi istisna olmaqla başqa əmlakının olmadığı müəyyən edilib. Araşdırmalar zamanı onun bəzi bank hesablarında 250-850 lirə arasında məbləğdə pulun olduğu aşkar olunub.

Milli.Az xəbər verir ki, vərəsəlik sənədi 6 oktyabr 2025-ci il tarixində alınıb və həmin tarixədək mirasçıların hər hansı hüquqi əməliyyat aparması mümkün olmayıb.

Oktyabr ayından etibarən 50-dən çox bank və müvafiq qurumdan daxil olan cavablara əsasən, Gül Tutun Çınarcıkdakı evidən başqa hər hansı daşınar və ya daşınmaz əmlakının olmadığı, yalnız bəzi banklarda cüzi məbləğdə vəsaitinin mövcud olduğu təsdiqlənib.

Məlumata görə, Gül Tutun vərəsəlik sənədi 6 oktyabr 2025-ci ildə alınıb. Bu tarixdən əvvəl mirasçıların hər hansı rəsmi addım atması mümkün olmayıb.

Eyni zamanda müğənninin qardaşlarının vəkillər vasitəsilə Tuğyan Ülkem Gülter və Tuğberk Yağız Gülter barəsində, analarını miras məqsədilə öldürmüş ola biləcəkləri iddiası ilə şikayət etdikləri öyrənilib.

52 yaşlı müğənni Gül Tut 26 sentyabr tarixində Yalovada yerləşən 6-cı mərtəbədəki evinin üstü örtülü terasında olan pəncərədən naməlum səbəbdən yıxılaraq həyatını itirmişdi. Onun cənazəsi İstanbulda dəfn olunmuşdu.

Saxlanılanlardan Tuğyan Gülter həbs olunmuş, Sultan Nur Ulu barəsində ev dustaqlığı qərarı verilmişdi. Digər üç nəfər isə prokurorluqdakı ifadələrindən sonra azadlığa buraxılmışdı.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.