Dmitri Sitkovetski Bakıda Şostakoviçdən və ailəsinin musiqi sülaləsindən danışıb – şəhərlə xüsusi bağlılıq - (Foto)

Bakı Beynəlxalq İncəsənət Festivalı (BIAF) çərçivəsində Baku Book Center-də dünya şöhrətli skripkaçı və dirijor Dmitri Sitkovetski ilə açıq görüş keçirilib. Görüş XX əsrin görkəmlibəstəkarı, həyatı, yaradıcılığı və peşəkar əlaqələri Bakı və Azərbaycanla sıx bağlı olan Dmitri Şostakoviçin anadan olmasının 120 illiyinə həsr olunub.

Görüş iştirakçılara dahi bəstəkarın irsinə yalnız musiqi tarixibaxımından deyil, həm də şəxsi xatirələr, ailə tarixçəsi və doğmaşəhəri Bakı ilə bağlı olan musiqiçinin yaradıcılıq təcrübəsiprizmasından nəzər salmaq imkanı yaradıb.

Dmitri Sitkovetski Şostakoviçin şəxsiyyəti və yaradıcılığı, onunmusiqi dilinin xüsusiyyətləri, əsərlərinin ərsəyə gəldiyi tarixidövr haqqında fikirlərini bölüşüb. O, həmçinin öz ailəsininmusiqi sülaləsi və bu nəslin Azərbaycan və dünya musiqimədəniyyətinin görkəmli nümayəndələri ilə əlaqələrindəndanışıb.

Görüşə xüsusi maraq qatan məqamlardan biri də Sitkovetskininözünün şəxsi həyat tarixçəsi olub. Dünya şöhrətli musiqiçi 1954-cü il sentyabrın 27-də Bakıda anadan olub. O, tanınmış musiqiçiailəsində böyüyüb: atası görkəmli skripkaçı Yulian Sitkovetski, anası isə məşhur pianoçu, 1949-cu ildə Şopen adına BeynəlxalqMüsabiqənin laureatı Bella Davidoviçdir. Ailənin musiqiənənələri daha əvvəlki nəsillərə gedib çıxır: ulu babası BakıOpera Teatrının konsertmeysteri olub, babası da şəhərin musiqihəyatı ilə sıx bağlı olub.

Beləliklə, Şostakoviç haqqında söhbət musiqiçi üçün bir neçənəsli əhatə edən ailə tarixçəsi, Bakının musiqi mədəniyyətininformalaşması və yaradıcılıq ənənələrinin varisliyi ilə bağlıxüsusi şəxsi məna daşıyıb.

Şostakoviçin Azərbaycanla əlaqələri də zəngin tarixə malikdir. Bəstəkar dəfələrlə Bakıya səfər edib, yerli musiqiçilərləgörüşüb, öz əsərlərini ifa edib və Azərbaycan bəstəkarlıqməktəbinin inkişafına dəstək verib. Xüsusilə, 1952-ci ildəBakıya səfəri zamanı öz əsərlərini ifa edib, Qara Qarayevin"Yeddi gözəl" baletinin premyerasında iştirak edib. Onun Qara Qarayev də daxil olmaqla Azərbaycan bəstəkarları iləyaradıcılıq əlaqələri ölkənin musiqi tarixində mühüm iz qoyub.

Görüş zamanı Dmitri Sitkovetskinin şəxsi xatirələriŞostakoviçin dünya musiqi mədəniyyətindəki yeri, bədii irsi vəəsərlərinin müasir dinləyicilər üçün aktuallığı barədə daha genişmüzakirəyə zəmin yaradıb.

Qeyd edək ki, Dmitri Sitkovetski dünya akademik musiqisəhnəsinin tanınmış nümayəndələrindən biridir. O, Moskva Konservatoriyasını bitirib, təhsilini Nyu-Yorkda nüfuzluCulliard Məktəbində davam etdirib. Skripkaçı və dirijor kimidünyanın aparıcı orkestrləri ilə çıxış edib. Onun yaradıcılığınakamera musiqisi, musiqi aranjimanları və müxtəlif bədiilayihələr də daxildir.

Baku Book Center-də keçirilən görüş Bakı Beynəlxalq İncəsənətFestivalının Dmitri Şostakoviçin 120 illik yubileyinə həsrolunmuş musiqi proqramının bir hissəsi olmaqla yanaşı, Bakınındünya və milli musiqi mədəniyyətinin inkişafındakı tarixi rolunubir daha ön plana çıxarıb.