Cəmiyyət

“Son zəng”lə bağlı qadağalar olacaq

10 İyun 2026 14:44
Baxış: 2 696
VTB-də minimal faiz dərəcəsi ilə nağd kredit 9.9%-dən

2025-2026-cı tədris ilinin "Son zəng" tədbirləri 13 iyun 2026-cı il tarixində keçiriləcək.

Məktəbəqədər və Ümumi Təhsil üzrə Dövlət Agentliyindən Milli.Az-a verilən məlumata görə, tədbirlər ümumi təhsil müəssisələrinin həyətyanı sahəsində, həyətyanı sahəsi olmayan məktəblərdə isə akt və ya idman zallarında təşkil olunacaq. Tədbirlər saat 08:00, 09:00 və ya 10:00-da başlayacaq və ən geci 2 saat ərzində başa çatacaq.

Tədbirdə 1-ci və 11-ci sinif şagirdlərinin valideynləri, təhsili idarəetmə orqanlarının nümayəndələri, şəhid ailələrinin üzvləri, qazilər, yerli icra hakimiyyəti və hüquq-mühafizə orqanlarının nümayəndələri iştirak edə bilərlər.

"Son zəng" Azərbaycan Respublikasının Dövlət Himni ilə başlayacaq, daha sonra Vətən uğrunda canından keçmiş şəhidlərimizin xatirəsi bir dəqiqəlik sükutla yad ediləcək. Məzunlar tədbirdə məktəbli formasında iştirak etməli, məktəbin daxili intizam qaydalarına və etik davranış normalarına riayət etməlidirlər. Tədbirin proqramı milli-mənəvi dəyərlərə uyğun qurulmalı, bayağı musiqilərin səsləndirilməsinə yol verilməməlidir.

Tədbirlər zamanı təhlükəsizlik qaydalarına əməl olunması, məktəb mühitinə uyğun davranış nümayiş etdirilməsi və tədbirin yüksək təşkilatçılıq səviyyəsində keçirilməsi əsas prioritetlərdəndir.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.