Cəmiyyət

"44" filminin nümayişi zamanı çəkiliş aparan şəxslər cəzalandırılacaqlar

19 Oktyabr 2026 15:53

Baxış: 501

VTB-də minimal faiz dərəcəsi ilə nağd kredit 9.9%-dən

Mədəniyyət Nazirliyi yanında Kino Agentliyi "44" bədii filmi ilə bağlı ictimaiyyətə müraciət edib.

Milli.Az xəbər verir ki, bu barədə agentlik məlumat yayıb.

Bildirilib ki, seanslar zamanı mobil telefon və ya digər cihazlarla filmin çəkilməsi, görüntülərin icazəsiz qeydə alınması və yayılması yolverilməzdir:

"Bu cür hərəkətlər filmin istehsalçısına, yaradıcı heyətə və filmi izləməyə gələn digər tamaşaçılara qarşı hörmətsizlikdir. Qanuna əsasən, əsərin surətinin çıxarılması müəlliflik hüququ sahibinin müstəsna hüquqlarına daxildir. Qanunda surətçıxarma anlayışına videoyazı formasında hazırlanma da daxildir. Ona görə də filmin icazəsiz qeydə alınması və xüsusilə həmin görüntülərin paylaşılması müəlliflik hüquqlarının və qanunvericiliyin tələblərinin pozulmasına səbəb ola bilər".

Müraciətdə tamaşaçılardan seanslar zamanı filmin mobil telefon və ya digər cihazlarla qeydə alınmaması, habelə filmə aid görüntülərin hüquq sahibinin icazəsi olmadan yayılmaması qəti şəkildə tələb edilib:

"Bu tələblərin pozulması məsuliyyətə səbəb ola bilər. Qanun pozuntusu faktları aşkar edildikdə təqsirli şəxslər barəsində qanunvericiliklə nəzərdə tutulmuş müvafiq tədbirlər görüləcək".

Müəllif: Aysel Əkbər (Milli.Az müxbir)