Cəmiyyət

Əgər kişi qadına “səninlə evlənməyimə peşmanam”, “çıx get atanın evinə” və bu kimi sözlər söyləsə...

31 Dekabr 2023 04:01
Baxış: 1 119
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Talaq İslam dinində icazə verilən, amma bəyənilməyən əməllərdən biridir, son dərəcə zərurət olmadan talaq vermək dinimizdə bəyənilmir. Bununla yanaşı talaq məsuliyyətli bir ayindir. Onun düzgün sayılması üçün bəzi şərtlərin olması vacibdir. Əks halda oxunmuş talaq batil sayılar və qadının növbəti evliliyi böyük günahlardan birinə çevrilər. Talağın səhih (düzgün) olmasının şərtlərindən biri onun şəriətdə icazə verilmiş tərzdə oxunmasıdır. Talağın sözləri müəyyən çərçivə daxilində söylənməlidir. Müctəhidlərin fikrincə talaq ərəb dilində və mütləq qadının adı çəkilməklə, "taliqun" (azaddır, boşanmışdır) ifadəsi ilə deyilməlidir, bu kəlməni başqa sözlə əvəz etmək olmaz. Kişi qadının əlindən hislənərkən ona başqa sözlərlə acıqlansa, evliliyə peşman olduğunu bildirsə, qadını evdən qovsa, hətta ərəb dilindən başqa dillərdə "səni boşayıram", "bu gündən biz boşanmış sayılırıq" kimi ifadələr və ya camaatın gözündə boşanmanı ifadə edən digər sözlər işlətsə də, talaq reallaşmış olmaz.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.