Cəmiyyət

Yeni il hədiyyə qutuları ilə bağlı XƏBƏRDARLIQ

5 Dekabr 2025 10:35

Baxış: 370

VTB-də minimal faiz dərəcəsi ilə nağd kredit 10.49%-dən

#MARAQLI #CƏMİYYƏT #YENİ İL

Yeni İldə sevinən ən çox uşaqlardır. Mağazalarda satışa çıxarılan hədiyyə qutularının tərkibi ilə bağlı bir çox valideynlər narahatdırlar.

Bəs hədiyyə qutularını alarkən valideynlər nəyə diqqət edirlər?

Milli.Az xəbər verir ki, valideynlərin sözlərinə görə, vitrinlərə yerləşdirilən hazır hədiyyə qutularından istifadə tarixinə diqqət edirlər:

"Hədiyyə qutularında şokolad, konfet və digər şirniyyatların istehsal və istifadə tarixləri, qablaşdırmada zədələnmələr olmamasına fikir veririk. Çalışırıq elə məhsul alaq ki, sabah uşaq zəhərlənməsin. Çox vaxt özümüz alıb evdə hədiyyə qutusu düzəldirik".

Məsələ ilə bağlı Qida Təhlükəsizliyi Agentliyindən bildirildi ki, qida məhsullarının, o cümlədən bayram üçün hazırlanmış hazır hədiyyə qutularının satış qaydalarının monitorinqi ilə məşğul olunur və uyğunsuzluq aşkarlandığı təqdirdə qanunvericiliyə uyğun tədbirlər görüləcək.

İstehlakçılara isə tövsiyə edilir ki, hədiyyə qutusu alarkən məhsulların üzərindəki istifadə tarixlərini yoxlasın və qablaşdırmanın bütövlüyünə diqqət etsin. Bayram ərəfəsində artan satış həcmləri fonunda belə qutuların tərkibinin xüsusi nəzarət tələb etdiyi bildirilir.

Bəs bu qutular nə zaman təhlükəlidir?

Mövzu ilə bağlı qida təhlükəsizliyi üzrə ekspert Ağa Salmanov bildirib ki, içərisində qida olan hədiyyə qutuları bayram mövsümündə geniş şəkildə satışa çıxarılsa da, onların tərkibi ilə bağlı diqqətli olmaq vacibdir.

Onun sözlərinə görə, belə qutular yalnız istifadə tarixi bitmiş məhsullar olduqda, qablaşdırmalar zədələndikdə və ya düzgün saxlanılmadıqda təhlükə yarada bilər. Düzgün seçildiyi halda belə hədiyyə qutuları təhlükəli deyil və rahatlıqla istehlak oluna bilər.

Aysel Əkbər
Milli.Az