Sağlamlıq

Şirniyyatı kəsməyin rahat yolu - Çərəz yeyin

4 Dekabr 2025 18:30
Baxış: 1 656
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #SAĞLAM QİDA

Qəlyanaltı kimi qoz fındıq yemək şirniyyata olan istəyi azaldır.

Milli.Az xəbər verir ki, Vanderbilt Universitetinin tibb mərkəzində aparılan araşdırma göstərib ki, gündəlik rasionda yeməklər arasında qoz fındıq və digər quru meyvələr ilə qəlyanaltı etmək şirniyyata olan meyli azaldır.

Nəticələr "Nutrients" jurnalında dərc edilib.

Araşdırmada 22-36 yaş arasında olan 84 nəfər iştirak edib. Onların artıq çəkisi var idi və metabolik sindrom təhlükəsi yaradan ən az bir göstərici mövcud idi. Bu vəziyyət qarın nahiyəsində yağ artımı təzyiqdə dəyişikliklər lipid balansında pozuntu və insulinə həssaslığın azalması kimi əlamətlərlə özünü göstərir.

On altı həftə davam edən sınaqda iştirakçılar təsadüfi şəkildə iki qrupa ayrılıb. Birinci qrup badam qoz fıstıq pakan keşyu kimi çərəz növləri ilə qəlyanaltı edib. İkinci qrup isə adi karbohidrat əsaslı qəlyanaltılar yəni peçenye kraker və şokoladlı batonlar yeyib. Hər iki qrupun qəlyanaltıları eyni kaloriyə malik idi.

Qoz fındıq yeyən qrupda şirniyyata və fаstfuda qəfil istək hadisələri nəzərəçarpacaq dərəcədə azalıb. Onların rasionunda şirniyyat və duzlu qəlyanaltıların payı aşağı düşüb və zülak mənbələrinin payı artıb. Digər qrupda isə ciddi dəyişiklik olmayıb. Hətta meyvə istehlakı bir qədər azalıb.

Alimlər bildirir ki rasionda edilən bu cüzi dəyişiklik yəni çərəz ilə qəlyanaltı etmək metabolik risk əlamətləri olan gənclərdə qidalanma davranışını yaxşılaşdıra bilər. Bu dəyişiklik yüksək kalorili yeməklərin yalnız dad üçün qəbul edilməsini azaltmağa kömək edə bilər.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.