Cəmiyyət

8 Noyabr – Zəfər Günü münasibətilə ağacəkmə aksiyası keçirildi - FOTO

6 Noyabr 2023 18:25

Baxış: 560

#CƏMİYYƏT #AĞAC

Nizami rayonunda 8 Noyabr - Zəfər Günü münasibətilə ağacəkmə aksiyası keçirildi.

Azərbaycan Respublikasının Prezidenti, müzəffər Ali Baş Komandan İlham Əliyevin rəhbərliyi ilə Azərbaycan Silahlı Qüvvələrinin 44 günlük Vətən müharibəsinin qələbəsi şərəfinə təsis edilmiş Zəfər Gününün bu il üçüncü ildönümü qeyd edilir.

8 Noyabr - Zəfər Günü münasibətilə Nizami Rayon İcra Hakimiyyəti, "SOCAR Downstream Management" MMC və Heydər Əliyev adına Neft Emalı Zavodu ilə birgə 04 noyabr 2023-cü il tarixində Mikayıl Əliyev küçəsində, yaşıllıq zolaqlarının artırılması, ekoloji tarazlığın bərpası, ətraf mühitin mühafizəsi, insanlar arasında ekoloji mədəniyyətin və təbiətə olan qayğı hissinin təbliğ edilməsi məqsədilə ağacəkmə aksiyası keçirib.

Aksiyada Rayon İcra Hakimiyyətinin başçısı Coşqun Cəbrayılov, "SOCAR Downstream Management" MMC-nin Baş direktoru Emil Alxaslı, Heydər Əliyev adına Neft Emalı Zavodunun direktoru Xəyal Cəfərov, Rayon İcra Hakimiyyəti başçısı aparatının, rayonun idarə, müəssisə və təşkilatlarının əməkdaşları və qazilər iştirak ediblər.

Aksiyada, Milkayıl Əliyev küçəsində iqlimə uyğun Eldar şamları əkilib və suvarılıb, yol boyunca yaşıllıq zolağında aqrotexniki işlər görülüb.

Milli.Az