Cəmiyyət

Bəzi marketlərin yeni hiyləsi: “ƏDV”li və “ƏDV"siz çek - VİDEO

22 Aprel 2023 02:02

Baxış: 3 179

VTB-də minimal faiz dərəcəsi ilə nağd kredit 10.49%-dən

#VİDEO #MARKET

Bəzi mağazalardan alınan məhsullara görə ƏDV fərqli üsulla verilir.

Milli.Az Xəzər TV-yə istinadən bildirir ki, bu zaman 2 qəbz təqdim olunur. İlk qəbz ƏDV-siz, daha sonra isə onu təqdim etməklə ƏDV-li qəbzi alırsınız.

Sahibkarlar bunu niyə edirlər?. Niyə ədv olan qəbz müştəriyə dərhal verilmir?

"Xəzər Xəbər məsələni araşdırıb"

Hadisə Sabunçu rayonu Ramana qəsəbəsində yerləşən marketlərdən birində baş verib.

Alıcılar iddia edir ki, vəziyyətlə bağlı market rəhbərliyinə dəfələrlə müraciət etsələr də nəticə dəyişməyib. Bu mağazada alıcılara verilən qəbzin biri ƏDV-li, digəri isə ƏDV-siz olur. Bunu biləndə var, bilməyəndə.

Məsələyə market rəhbərliyi də münasibət bildirib. Adını deməyən şəxsin sözlərinə görə, əvvəllər 1 çek verilib, sonradan problemlər yarandığından bu üsula əl atıblar.

Bənzər mənzərə Sumqayıtda olan marketlərdən birində də yaşanır.

"Alınan məhsula görə 2 çek verilir"

"Mağazadan isə bildirildi ki, bu məsələ ilə bağlı heç bir məlumat vermək istəmirlər"

"Xəzər Xəbər" İqtisadiyyat Nazirliyi yanında Dövlət Vergi Xidməti ilə əlaqə saxlayıb.

Qurumdan bildirildi ki, problemlə bağlı əgər vətəndaşlar xidmətə müraciət edərlərsə o zaman məsələ araşdırıla bilər.

Mövzu ilə bağlı daha ətraflı videomaterialı təqdim edirik:

Milli.Az