Cəmiyyət

Babək prospektində hansı işlər görülüb? - Yeni layihə

31 Mart 2023 08:54
Baxış: 1 336
VTB-də minimal faiz dərəcəsi ilə nağd kredit 9.9%-dən
#YOL

Paytaxtın əsas yol sahələrindən olan Babək prospektində hərəkətin təşkili ilə bağlı yeni layihə icra edilib.

Milli.Az Trend-ə istinadən bildirir ki, Babək prospektinin Oqtay Vəliyev küçəsi ilə kəsişməsində hərəkətin təşkilinə dair dəyişikliklər həyata keçirilib.

Məlumat üçün qeyd edək ki, layihədən əvvəl qeyd olunan kəsişmədə təhlillər aparılaraq bir problemlərin mövcudluğu müəyyən edilib. Belə ki, O.Vəliyev küçəsinin birbaşa əlaqələndirilməməsi buradan keçən ictimai və digər nəqliyyat vasitələrinin izafi yürüşünə və Babək prospektindəki mövcud geriyə dönmə yerlərində sıxlıq hallarının yaranmasına səbəb olurdur. Əsas çətinliklərdən biri isə piyada piyada keçidinin çatışmazlığı idi.

Görülən işlər çərçivəsində kəsişmədəki ayırıcı zolaq ləğv edilib. Nizamlanan yeni yolayrıcı və eyni səviyyəli piyada keçidləri təşkil edilib. Müvafiq yol nişanları və nişanlanma xətləri çəkilib. İnfrastruktur işləri görülüb, yeni səki və panduslar inşa olunub.

Nəticədə O.Vəliyev küçəsi vasitəsilə Babək prospektinin şimal və cənub hissəsi əlaqələndirilib. Nəqliyyat vasitələrinin izafi yürüş məsafəsi 2.5 km qısalıb. Babək prospektindəki mövcud geriyə dönmə yerlərinin nəqliyyat yükü 50%-ə qədər azalıb. Piyada əlçatanlığı və təhlükəsizliyi təmin edilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.