Cəmiyyət

Xaçmazda elektrik enerjisinin verilişi bərpa olunub - YENİLƏNİB

14 Yanvar 2023 08:36

Baxış: 834

VTB-də minimal faiz dərəcəsi ilə nağd kredit 10.49%-dən

#CƏMİYYƏT

08:36

Xaçmaz rayonunda elektrik enerjisinin verilişi bərpa olunub.

Bu barədə Xaçmaz Elektrik Şəbəkədən (EŞ) məlumat verilib.

Bildirilib ki, rayon ərazisində küləyin törətdiyi fəsadlar operativ şəkildə aradan qaldırılır və yaşayış məntəqələrində elektrik enerjisinin verilişi bərpa edilir.

Hal-hazırda "Azərişıq" ASC-nin Xaçmaz və Xudat elektrik şəbəkələrinin qəza briqadaları işləri davam etdirir.

Xatırladaq ki, ötən gün Xaçmazın 100-ə yaxın kəndi işıqsız qalmışdı.

08:02

Güclü külək Xaçmazda elektrik təsərrüfatına ciddi ziyan vurub.

Bunu AZƏRTAC-a Xaçmaz Rayon Fövqəladə Hallar Komissiyasının sədri Anar Oruclu bildirib.

Anar Oruclunun sözlərinə görə, rayon mərkəzində və 94 kənddə elektrik enerjisinin kəsilməsi səbəbindən 17 min 300 abonent işıqsız qalıb.

Güclü külək bir çox ərazilərdə elektrik naqillərini qırıb, dirəkləri aşırıb. Hazırda müvafiq qurumların əməkdaşları fəsadların aradan qaldırılması üçün səfərbər olunub.

Külək nəticəsində şəhər mərkəzində beşmərtəbəli, dördbloklu yaşayış binasının dam örtüyü uçub, rayon ərazisində ümumilikdə, 6 ağac kökündən qoparaq aşıb.

Hadisələr nəticəsində xəsarət alan olmayıb.

Hazırda rayonda külək əsməkdə davam edir.

Milli.Az