Cəmiyyət

Bakı-Gəncə sürət qatarından istifadə edənlərə ŞAD XƏBƏR - Bu tarixdən etibarən... - VİDEO

9 Avqust 2022 17:22
0 Şərh     Baxış: 928

Bakıdan Gəncəyə qatarla getmək istəyən, elektron bilet alan sərnişinlərin kassaya yaxınlaşmasına ehtiyac olmayacaq.

Milli.Az Xəzər Xəbər-ə istinadən xəbər verir ki, Bakı-Gəncə-Bakı istiqaməti üzrə hərəkət edən sürətli sərnişin qatarına onlayn bilet alan vətəndaşlar bundan sonra qatara yaxınlaşıb elektron biletlərini bələdçilərə təqdim edəcəklər. "Azərbaycan Dəmir Yolları" Qapalı Səhimdar Cəmiyyətinin mətbuat katibi Natəvan Bayramovanın sözlərinə görə, qurumun rəsmi saytından Bakı-Gəncə-Bakı istiqaməti üzrə hərəkət edən sürətli sərnişin qatarına 10 avqust 2022-ci il tarixindən etibarən onlayn rejimdə alınmış biletlər artıq avtomatik olaraq elektron qeydiyyatdan keçirilir.

Natəvan Bayramova bildirib ki, yaşı 18-dən yuxarı olan sərnişinlərdən qatara minik zamanı şəxsiyyəti təsdiq edən sənəd, hərbi bilet, şəxsiyyəti müvəqqəti təsdiq edən digər sənəd, eləcə də peyvənd əks-göstəriş və ya immunitet sertifikatı, 16 yaşadək sərnişinlərdən isə doğum haqqında şəhadətnamə və ya şəxsiyyət vəsiqəsi təqdim etmələri tələb olunur.

Qurum rəsmisi onu da qeyd edib ki, sərnişinlərə verilən onlayn xidmətlərin daha da təkmilləşdirilməsi məqsədi ilə yaxın zamanda yeni mobil tətbiq vasitəsilə də elektron bilet almaq mümkün olacaq.

Qeyd edək ki, sərnişinlər avqust ayının 10-na qədər onlayn alınan biletlər üçün əvvəlki qaydada kassaya yaxınlaşaraq kağız biletlər almalıdır.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics