Britaniyada əxlaqsızlıq edən azərbaycanlı "jurnalist" görün kim imiş

Ötən gün Britaniyanın "Daily Mail" qəzetində seksual zorakılıq ittihamı ilə məhkum olunmuş azərbaycanlı Ceyhun Zeynalovun həbsindən bəhs edilmiş, onun guya "müxalifətçi jurnalist" olduğu iddia edilmişdi. Britaniya mediası yazıb ki, 34 yaşlı Zeynalov siyasi sığınacaq almaq ümidi ilə Dumanlı Albion sahillərinə çatıb və hər yerdə özünü hakimiyyətin təqibləri nəticəsində vətəni Azərbaycanı tərk etməyə məcbur olan "müxalifət jurnalisti" kimi təqdim edib. Lakin haqqin.az-ın araşdırması ortaya maraqlı bir fakt qoyub.

Bəlli olub ki,  Zeynalov Azərbaycan Rabitə Nazirliyinin keçmiş mühəndisi olub və sadəcə 2015-ci ildə Bakını tərk edərək Londona mühacirət edib. Onun jurnalist kimi çalışması barədə də heç bir məlumata da rast gəlinməyib. Qeyd edək ki, Zeynalov yaxşı həyat dalınca ölkəni tərk edərək özünü siyasi müxalifətçi və ya həqiqətpərəst jurnalist kimi qələmə verən, vətənində təqiblərə məruz qaldığını iddia edən soydaşlarımızdan birincisi deyil. Olduqca qaranlıq tiplər və bəzən açıq-aşkar cinayətkarlar çox vaxt belə "rejimin qurbanları" kimi çıxış edirlər.

Belə ki, 2018-ci ilin martında Fransanın Tuluza şəhərində azərbaycanlı mühacir Rəhim Namazov və onun həyat yoldaşı güllələnib və bu, Qərb mediasında güclü ictimai rezonansa səbəb olub. Məsələ burasındadır ki, həm də cinayətkar qruplarla əlaqəsi olan "Rahim Şəkinski" və ya "Ragim Dangerous" olan Rəhim Namazov peşəkar jurnalist kimi Fransadan siyasi sığınacaq alıb. Bu ölkəyə gələn cinayətkar özünü "Əlillər" qəzetinin əməkdaşı kimi təqdim edib, guya "Azərbaycan ordusunda baş verən qətl hadisələrinin araşdırılmasına" görə dəfələrlə təqiblərə məruz qalıb, hətta həbs olunub. Bundan əvvəl Fransa hakimiyyəti cinayətkar "Ragim Dangerous"a siyasi sığınacaq verib. Fransız hakimiyyət orqanları isə ingilislər, eləcə də almanlar kimi mühəndis Zeynalov və yüzlərlə başqa "totalitarizmə qarşı siyasi mübarizlər" kimi cinayətkarın şanlı keçmişini diqqətlə yoxlamaq zəhmətinə qatılmayıb.

Prinsipcə, Azərbaycandan qaçaraq Avropadan siyasi sığınacaq almaq istəyən dünənki cinayətkarları, dələduzları, korrupsionerləri başa düşmək olar. Bu insanlar törətdikləri cinayətlərə görə cavab verməli olduqları vətənlərinə sürgün edilməmək üçün özlərini biabırçı siyasətçilərin, müxalif jurnalistlərin, bəzən ermənilərin, hətta LGBT icmasının fəallarının timsalında təqdim etməyə hazır olurlar.

Kamran Seyidov
Milli.Az