Cəmiyyət

Səyyar vergi yoxlaması dövründə vergi növləri hansı hallarda artırıla bilər?

6 Fevral 2022 22:55

0 Şərh Baxış: 815

VTB-də minimal faiz dərəcəsi ilə nağd kredit 10.49%-dən

Səyyar vergi yoxlaması mənfəət, gəlir, əmlak, torpaq vergiləri və digər vergilər üzrə həmin yoxlamanın keçirildiyi il də daxil olmaqla, vergiödəyicisinin son 3 ildən çox olmayan fəaliyyətini əhatə edə bilər.

Milli.Az Dövlət Vergi Xidmətinə istinadla xəbər verir ki, vergiödəyicisində keçirilən səyyar vergi yoxlaması zamanı qeyd olunmuş müddətlər nəzərə alınmaqla yoxlamanın əhatə etdiyi dövr və (və ya) vergi növləri bəzi hallarda artırıla bilər.

Belə ki, vergiödəyicisinin müraciəti əsasında keçirilən səyyar vergi yoxlamasının əhatə etdiyi dövrdən sonrakı dövrdə vergidən yayınma hallarının olması barədə vergi orqanında mənbəyi bəlli məlumatlar olduqda və cinayət prosessual qanunvericiliyinə uyğun olaraq məhkəmənin və ya hüquq-mühafizə orqanlarının vergi yoxlamalarının keçirilməsi barədə müvafiq qərarı olduqda vergilərin artırılması mümkündür.

Milli.Az