Cəmiyyət

Vəfa Hüseynzadəyə yeni vəzifə verildi

14 Yanvar 2022 11:28

0 Şərh Baxış: 4 763

VTB-də minimal faiz dərəcəsi ilə nağd kredit 9.9%-dən

"Kliniki Tibbi Mərkəz" publik hüquqi şəxsin tabeliyində olan 5 nömrəli Kliniki Doğum Evinə yeni baş həkim təyin olunub.

"Kliniki Tibbi Mərkəz"dən verilən məlumata görə, Mərkəzin direktoru Könül Ələkbərovun əmrinə əsasən, tibb üzrə fəlsəfə doktoru, mama-ginekoloq Hüseynzadə Vəfa Oruc qızı Mərkəzin tabeliyində olan 5 nömrəli Kliniki Doğum Evinin yeni baş həkimi təyin edilib.

Vəfa Hüseynzadə bu vəzifəyə qədər Elmi Tədqiqat Mamalıq və Ginekologiya İnstitutunun (ETMGİ) Zahılıq şöbəsinin müdiri vəzifəsində çalışıb.

V.Hüseynzadə 17 may 1978-ci ildə Şəmkir rayonunda anadan olub. 2000-ci ildə Azərbaycan Tibb Universitetini fərqlənmə diplomu ilə bitirib. 2000-2001-ci illərdə ETMGİ-də internatura kursu keçib. 2002-ci ildə orada həkim, anestezioloq-reanimatoloq kimi işə başlayıb, 2003-cü ildən 2021-ci ilin yanvar ayına qədər elmi və böyük elmi işçi, eyni zamanda praktik cərrah, mama-ginekoloq kimi fəaliyyət göstərib.

V.Hüseyzadə 2009-cu ildə namizədlik dissertasiyası müdafiə edərək, Ali Attestasiya Komissiyasının qərarı ilə tibb üzrə fəlsəfə doktoru adını alıb.

Otuzdan çox məqalə və tezislərdə müəllif və həmmüəllif kimi iştirak edib.

Dünyanın bir çox ölkələrində beynəlxalq nüfuzlu konfrans və konqreslərdə məruzəçi kimi çıxış edib.

Milli.Az