Cəmiyyət

“Omicron” haqqında nəyi bilməliyik? - Təyyar Eyvazovdan açıqlama

14 Yanvar 2022 07:58

0 Şərh Baxış: 1 170

"Omicron" əvvəlki ştamlardan daha sürətlə yayılır. Bunun inkubasiya dövrü daha qısadır".

Milli.Az "qafqazinfo"-ya istinadən xəbər verir ki, bunu Səhiyyə Nazirliyinin mütəxəssis-eksperti Təyyar Eyvazov İTV-də "Diqqət mərkəzi" verilişində deyib.

O bildirib ki, ştamın hətta yoluxuculuğu da azdır:

"Yəni virusa yoluxmuş insan başqalarına yoluxdura bilər, o günlərin sayı da azdır və ona görə bəzi ölkələrdə izolyasiya olunma günlərinin sayını 14 gündən 5-7-9 günə qədər endirirlər.

Digər tərəfdən isə biz bilməliyik ki, burada daha çox yüngül formalara rast gəlinir. Yüngül forma deyəndə nəyi nəzərdə tuturuq?

COVID-19-un ağır forması deyəndə biz birmənalı olaraq ağciyərlərin kifayət qədər zədələnməsi hallarını düşünürük. Yəni bu halda daha çox üst tənəffüs yolları zədələnir, proses çox az hallarda ağciyərlərə keçir.

Bu, arzuolunan gedişatdır ki, insanların xəstəxanaya yatış sayı azalır, reanimasiya şöbələrinə düşmə sayı azalır. Bunlar hamısı mutasiyanlın hesabına olur.

Biz bu mutasiyaları eşidərək, təşvişə düşməməliyik. Əksinə, başa düşməliyik ki, təbii olaraq bir təkamül gedir. Nəhayət, əvvəlcədən bildiyimiz, proqnozlaşdırdığımız mövsümi infeksiyanı yaşayacağıq".

Milli.Az