Şou-biznes

Manaf "müğənninin metrodan istifadə etməsi doğru deyil" sözlərinə aydınlıq gətirdi - VİDEO

15 Sentyabr 2021 16:06
3 Şərh     Baxış: 1 689

Müğənni Manaf Ağayev sosial şəbəkədə ünvanına yazılan tənqidlərə cavab verib.

Milli.Az axşam.az-a istinadən xəbər verir ki, sənətçi onun adından yayılan "Müğənninin metrodan istifadə etməsi doğru deyil. Deməzlər ki, bu nə gündədir metro ilə gedir? Mən özümə o sözü dedizdirmərəm. Metro bizlər üçün deyil" sözlərinə aydınlıq gətirib.

M.Ağayev bildirib ki, özü və qohumları metrodan çox istifadə edib:

"Məni tanıyan bilir ki, hər zaman yetim-yesirin, kasıbın yanında olmuşam. Kasıba lağ etmərəm. Özüm kasıb olub, yataqxanadan gəlmişəm. İki sevdiyim nəqliyyat var: metro və təyyarə. Gəncliyim metroda keçib. Beş il unviersitetdə oxumuşam, metro ilə gedib gəlmişəm. Bu gün də qohum-əqrabam metroya minir. Qardaşım, bacım balaları tələbdir və dərsə metro ilə gedirlər. Guya metroya minəni təhqir etmişəm. Demək, öz nəslimi təhqir etmişəm? Mənimkilər hamıdan çoxdur. Dəliyəm, bu yaşımda belə söz deyim?

Dörd il əvvəl Tolikin verilişində dedilər ki, bir müğənni deyir metroya minmərəm. Cavab verdim ki, metro çox gözəldir. Amma nə dərəcədə düzdür ki, tanınmış müğənni gecə geyimnidə, salondan çıxıb metroya minib tədbirə gedir. Baxan deyəcək 2-3 manatı yoxdur taksiyə minib getsin? Təhqirdi bu?

Bilirəm bunu kim edir. Neçə vaxtdır mənim üstümdə qara piar gedir. Bunun sonu yaxşı olmayacaq. Əsəbim yerində deyil. Bu yaşa gəlib özümü söydürüm? Söyüş söyənin 5-10-nunu tapmışam. Deyir, əmi qələt elədim. Pərdəarxası şirə dönürlər. Normal adam söyüş söyməz. Normal adam gəlib görüşər. Bu da onun başı üçün deyil. Özünə hörmət edən kişi sosial şəbəkədə belə şey etməz.

Mən belə söz deməmişəm. Allah onu yazanın bəlasın versin. Belə yox, başqa cür danışmalı idim. Amma 1 milyon izləyicim var, özümü cilalamışam. Özümü təmkinləyirəm ki, xalq inansın, elə səhv etmərəm".

Milli.Az

Şərh yaz:

3 Şərh:

  • Anonim
    Esra ıbrahimli(Şamaxı) · 15 Sentyabr 16:1421

    Əvvəl dişimin dibinden cixanlari tokdum bu yaziqin ustune ki ay harrinlamis falan filan Dunenden görürem izah edir dübbedüz izahin verir .Özüde deyir men elə söz dememisem anam da, bacim da, qardaşım arvadlarida, neslimde ne qeder qiz gelin var hamisi metrodan istifade edir.

    Cavab yaz
  • Anonim
    Махир · 15 Sentyabr 16:3223

    Bu Manaf kimdi ki,ortadan cıxmır?Yoxsa qanun oğrudu?,bu bedbext, yaltaq Oxuyanlar arasında.yada lovğlıqına köre:

    Cavab yaz
  • Anonim
    !!! · 15 Sentyabr 16:4220

    Eə paltar var ki,o paltarda nəinki müğənni ,hec adi adam belə metroya minmir.Məsələn,ziyafət paltarinda metroya minmək çox gülməli görünərdi.)))Düzdür,bəzi taninmiş adamlar özlərinə yaraşdirmirlar ictimai nəqliyyatdan istifadə etməyi.Amma burda ayib hec nə yoxdur.Sadəcə səni taniyirlar deyə,utana və sixila bilərsən.İmkani olan maşınla gedir,olmayan da metro və avtobusla.İki il əvvəl Azərbaycan Dram teatrinin cox istedadlı,taninmiş,bu gun az qala unudulanlar siyahisinda olan bir aktyoru ilə eyni avtobusa mindim.İnanin,qalxib yer veren de olmadi.Eıə mənə də oturmaga boş yer yox idi.Həmin aktyora da baxdım,hec bir istedadi olmayan,aktyoram,aktrisayam deyib lüks şəraitdə yaşayan yekəxanalara da.O aktyorun imkansiz olmasina cox təssüfləndim.O,buna layiq deyil dedim içimdən...Daha yaxsilarina layigdir...

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.