Şou-biznes

Şou əhlinin 8 Mart paylaşımları

8 Mart 2021 15:43
Baxış: 2 009
VTB-də minimal faiz dərəcəsi ilə nağd kredit 9.9%-dən
#ŞOU-BİZNES

Bu gün 8 Mart - Beynəlxalq Qadınlar günüdür.

Milli.Az axşam.az-a istinadən bildirir ki, şou-biznesin tanınmış simaları sosial şəbəkədə bunla bağlı paylaşım edərək, xanımlara təbrik ünvanlayıblar.

Xalq artisti Aygün Kazımova qadınları "Bir gün yox, hər gün sonsuz sevgi diləyirəm. Gözəl Azərbaycan xanımları, əziz analar, bayramınız mübarək" sözləri ilə təbrik edib.

Xalq artisti Zülfiyyə Xanbabayeva isə xanımlara "Qadınları anlatmağa kəlmələr, anlamağa da ömür yetməz! Dünyaya insan gətirən, cana can verən, güclü, zərif, gözəlliyin özü qadınlar, günümüz mübarək" sözlərini ünvanlayıb.  

Xalq artisti Faiq Ağayev isə qadınları yayımladığı video ilə təbrik edib. O, "Əziz xanımlar, ömrünüz gül tək ətirli olsun, sığal görün, sevin və sevilin bu həyatda" sözlərini söyləyib.

Müğənni Gülay Zeynallı "Əziz xanımlar, sizə ilk növbədə Allahdan can sağlığı, xoşbəxtlik arzu edirəm. Biz xoşbəxtliyə layiqik. Analarımızın əllərindən, gənc qızların üzündən, körpələrin gözündən öpürəm. Sizi sevirəm, gözəl xanımlar" sözlərini yazıb.

Müğənni Zamiq Hüseynov isə paylaşımına "Allah bütün qadınları gözəl yaradıb. Hər bir qadının xoşbəxt olmaq haqqıdır. Heç bir qadın ağlamasın. Yalnız sevincdən ağlasın. Allah bütün qadınları xoşbəxt etsin, həmişə onların üzü gülsün, ana olsunlar. Onlar bizim analarımız, bacılarımız, övladlarımız və həyat yoldaşlarımızdır. Nə yaxşı ki varsınız, əziz xanımlar. Sizi ürəkdən təbrik edirəm, bayramınız mübarək" deyə, qeyd edib.

Aşıq Samirə Əliyeva xanımları "Daim bayram əhval-ruhiyyəsində, xoşbəxt olaq və bütün bunları sağlam canla yaşayaq. 8 mart bayramınız mübarək, əziz xanımlar" sözləri ilə təbrik edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.