Şou-biznes

Əməkdar artist təcili yardımdan şikayət etdi

2 Dekabr 2020 12:34
Baxış: 2 908
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Covid-19-la bağlı vəziyyət çox pisdir. Pisi ondan ibarətdir ki, səhiyyə, təbib, 103, yerli sahə həkimləri insanlara lazım olan köməyi göstərmirlər, insanlar ölümlə üz-üzə qalıblar. Covid-19 probleminin başında duran adamların səhlənkarlığından öz həyatlarını itirənlər necə adlanır? Təbibdə, poliklinikalarda işləyən və öz işinə, pasientlərə nifrət edən kəslərin adı nədir?".

Milli.Az axşam.az-a istinadən bildirir ki, bu sözləri Əməkdar artist Səbinə Babayeva sosial şəbəkədə yazıb. Müğənni təcili yardımdan şikayətlənib:

"Qoca adamlar xəstələnib öz evlərində günlərlə 103-ə zəng edirlər "siz 39-cusunuz xəttə gözləyin" eşidirlər, onlar nə sahə həkimindən müalicə görür, nə dərman... Heç bir diqqət görmürlər. Uşaq xəstələnir zəng edirsən həkimə, deyir bizdə protokol yoxdur, özün dərman verərsən. Cavan isə xəstələnsə, o halda gedib öz ayağıyla, öz puluna test etməlidir. Çünki 103 yalniz 3 gün ərzində gəlir və təbii ki, öz puluna da dərman almalısan...

Mənim və bir çoxlarının buna imkanı çatar. Biz qayğımıza qalıb özümüzü sağaldırıq, amma hörmətli səhiyyə işçiləri, biz bunu etməməliyik. Bizim insanlar bu cür dərtlə tək qalmamalıdır. Bizim çoxumuz bu səhiyyə işçilərindən boğaza yığılmışıq. Covid-19 insanları məhv edir, siz isə adicə operator sayını artırmırsınız, pulsuz dərman paylamırsınız.

Təcili yardım maşınlarına adi "kardioqrama" aparatı qoya bilmirsiz ki, adam bilsin infarkt olub, ya yox. Bu ağır günlərdə millətə əl uzatmırsınız".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.