Şou-biznes

"Zorakılığa məruz qalan qadınlarımız qınaqdan qorxub ayrılmır"

8 Avqust 2020 12:54
Baxış: 2 315
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Uzun illərdir sosial layihələrin aparıcısı və layihə rəhbəriyəm. Hər gün onlarla sosial problemlər dinləyirəm".

Milli.Az axşam.az-a istinadən bildirir ki, bu sözləri aparıcı Zaur Baxşəliyev İnstaqram səhifəsində yazıb. O qadına qarşı şiddətdən bəhs edib:

"Aliment və uşaqpulu ala bilməyən tək analar... Belə ailələr yüzlərlədir desəm, bəlkə də yanılmaram. Zorakılığa məruz qalan qadınlarımız məcburən dözürlər, çünki içtimai qınaqdan qorxurlar. Dözə bilməyib ayrılan ana-bacılarımız isə illərlə aliment ala bilmirlər. Onlar haqlarını tələb edəndə, yenə qınaq, tənə olunurlar.

Bu halda bir, iki, üç hətta bəzən beş, altı uşaqla ayrılan anaların aqibəti necə olmalıdır? Lap ərinə iki-üç dəfə xəbərdarlıq edildi, sonra həbsə girdi (hətda bunu göz önünə alan, cəhənnəm olsun, bir-iki il iş verəcəklər yatıb çıxaram deyən ərlər də az deyil) sonra nə olur? Daha böyük aqressivlik, şiddət və nəhayət, faciə. Qarşı tərəfin isə yalnız bir arqumenti olur: işim yoxdur, haradan verim? Əslində burada da həqiqət az deyil. Ona görə də bu cür ailələr üçün bir xüsusi proqramın hazırlanmasının vacibliyini düşünürəm. O ailələrdə böyüyən uşaqlar, heç yerdən ümid olmadığını, görəndə necə böyüyəcək? Hələ körpə yaşlarından atadan zərbə alan atasını, anadan sevgi görməyən anasını, əlaqədar qurumlardan, qanuni haqlarını almayan, dövlətini, vətənini, xalqını sevə biləcəkmi? Allah, vətən, valideyn, həyat yoldaşı, övlad borcunun nə olduğunu anlayacaqmı? Düşünək".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.