Şou-biznes

Fərda efirə zəng vurub onu təhqir edən şəxsə əsəbiləşdi - VİDEO

17 Aprel 2025 21:25

Baxış: 2 053

VTB-də minimal faiz dərəcəsi ilə nağd kredit 9.9%-dən

#VİDEO #AKTYOR

"Tarixin bir günü" verilişində gərgin anlar yaşanıb.

Milli.Az xəbər verir ki, proqrama Türkiyədən telefon zəngi ilə qoşulan Faiq adlı şəxs aktyorları, "Komediyaxana"nı tənqid edib. Bundan başqa, o, verilişdə qonaq olan yumor ustası Fərda Xudaverdiyev haqqında "Onu yaxşı "yontalayıb", daha gözəl aktyor etmək mümkündür" deyə, ifadə işlədib.

Bu isə Fərda tərəfindən bir mənalı qarşılanmayıb və o, əsəbiləşib.

"25 ildir bu səhnədə olan birini tanımırsınız, siz kimsiniz? Üstəlik bu sahə üzrə təhsiliniz var. Bəs siz bilmirsiniz ki, efirdə Tarix Əliyevə (verilişin aparıcısı - red.) hörmət edirsinizsə, onun qonaqlarına da etməlisiniz. "Yontalamaq" nədir? Mən şəxsi nömrəmi də verə bilərəm, çıxanda danışarıq. Mənim "yontalanan" vaxtım keçib. Danışmazdan əvvəl internetə girib baxın ki, kimin haqqında danışırsınız. 25 ildən sonra siz deyən olmur. Mən tənqidə açığam, amma hər şeydən əvvəl şəxsiyyətəm, kişiyəm. Bizim də ailəmiz var, efirə baxır. İstənilən teatrlarımızda möhtəşəm tamaşalar var. Allah sənətçilərimizə rəhmət eləsin. Nə qədər ki, ölülərimizin ətəyindən yapışacaqsınız, dirilər əziyyət çəkəcək. Ali savadlı adamsınız. Nə qədər ölünü tərifləyərlər? Onlar bizim "Qızıl fond"umuz, tairiximizdir. Amma bu gün yaşayanlar var axı. Yaşayanları diri-diri öldürürsünüz. Ali savadlı olub çıxış etmək deyil ki... Həftəlik əyləncə proqramları insanların iş stresini azalmaq üçün hazırlanır. 1 həftəyə 6 səhnəcik hazırlayırlar. "Baxırıq" deyib, sonra "amma" ifadəsini işlətmirlər. "Amma"dan əvvəl işlənən fikirləri aparın atın zibil yeşiyinə. Mənim stəndaplarıma baxmısınız? Adımı bilirsiniz? 25 ildir bu sahədə xidmət edirəm". (Axşam.az)

Milli.Az

Milli.Az - Xəbər Portalı

Fərda efirə zəng vurub onu təhqir edən şəxsə əsəbiləşdi - VİDEO

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?